गत साता नेप्से परिसूचक साढे १ प्रतिशतभन्दा बढी घटेर बन्द भएको थियो। अघिल्लो साता २६७६.०३ विन्दुमा बन्द भएको नेप्से, गत साता १.६८ प्रतिशत अर्थात ४४.८६ अंक घटेर २६३१.१७ विन्दुमा झरेको हो।

गत साता ४ कारोबार दिनका लागि बजार खुलेको थियो। जसमध्ये चारै कारोबार दिन नेप्से घटेको थियो।

प्रतिरोध क्षेत्रभन्दा तल

अघिल्लो साता प्रतिरोध क्षेत्रमा रहेको नेप्से, गत साता प्रतिरोध क्षेत्रभन्दा तल झरेको छ। हाल नेप्सेको प्रतिरोध क्षेत्र २६४५ देखि २६९० सम्म रहेको छ। आगामी दिनमा नेप्सेले ओरालो लागेमा २४४० देखि २४९० को क्षेत्रमा टेवा पाउने देखिन्छ। तर, सो प्रतिरोध तोडेर उकालो लागेमा २८०० देखि २८६० को क्षेत्रमा प्रतिरोधको सामना गर्ने देखिन्छ।

बिक्रीकर्ता बलियो

साप्ताहिक रुपमा गत साता नेप्सेले बियरिश मैनबत्ती बनाएको छ। साथै साताको अन्तिम कारोबार दिन पनि नेप्सेले रातो मैनबत्ती बनाएको थियो। यसले गत साता र सो दिन बजारमा बिक्रीकर्ता हाबी रहेको संकेत गर्दछ।

बलियो भोल्यूम

गत साता नेप्सेको भोल्यूम भने बलियो रहेको छ। गत साता नेप्सेमा दैनिक औषतमा ५ अर्ब ३८ करोडको शेयर कारोबार भएको थियो। साताको अन्तिम कारोबार दिन नेप्सेको २० दिने औषत भोल्यूम ५ अर्ब १ करोड रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ७.३८ प्रतिशत बढी हो।

बुलिश प्रवृत्ति

गत साता नेप्से परिसूचक बुलिश प्रवृत्तिमा रहेको छ। गत साता नेप्सेको एमएसिडी रेखा, सिग्नल रेखाभन्दा माथि रहेको छ। यद्यपि साताको अन्त्यतिर भने यी दुई रेखा बीचको दूरी साँघुरिदै गइरहेको छ। गत साता नेप्सेको हिस्टोग्राम सकारात्मक क्षेत्रमा घट्दो क्रममा रहेको छ।

खरिदचाप बढी

गत साता नेप्सेको स्टकास्टिक आरएसआई ओभरबट जोन रहेको छ। यसले गत साता बजारमा बिक्रीचापको तुलनामा खरिदचाप बढी रहेको संकेत गर्दछ।

(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)

(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)