शनिबार बिहान पक्राउ गरिएका ओली र लेखकलाई सो दिन अदालत बिदा हुने भएकाले प्रहरीले थुनामै राखेर अनुसन्धान गर्न माग गर्दै आज अदालतमा पेस गर्न लागिएको हो।ओली पक्राउ पछि अस्पतालमा भर्ना भएका छन् र लेखकलाई २ नम्बर गण महाराजगन्जमा राखिएको छ।
कार्की आयोगले लापरबाही र हेलचेक्र्याइँका कारण २३ र २४ गतेको जेनजी आन्दोलनका क्रममा मानिसहरूको मृत्यु भएको भन्दै त्यसमा तत्कालीन प्रधानमन्त्री ओली, तत्कालीन गृहमन्त्री रमेश लेखक र नेपाल प्रहरीका तत्कालीन महानिरीक्षक चन्द्रकुबेर खापुङविरुद्ध अनुसन्धान गरी अभियोजन गर्न सिफारिस गरेको थियो ।
