भारतीय विदेश मन्त्रालयका प्रवक्ता रणधीर जैसवालले ट्रम्पको यो कदमको आलोचना गर्दै यस्तो टिप्पणीलाई पूर्ण रूपमा अस्वीकार्य बताएका छन् । उनले भनेका छन्, 'यो टिप्पणी स्पष्ट रूपमा अज्ञानतापूर्ण, अनुचित र अभद्र छ । यस्ता कुराहरूले भारत–अमेरिका सम्बन्धको वास्तविकतालाई दर्साउँदैन, जुन लामो समयदेखि आपसी सम्मान र साझा हितमा आधारित रहिआएको छ ।'
ट्रम्पले कन्जरभेटिभ रेडियो होस्ट माइकल स्याभेजले गरेको एउटा विवादित टिप्पणीलाई आफ्नो सामाजिक सञ्जालमा साझा गरेका थिए, जसमा भारत र चीनलाई ‘नरकजस्तो देश’ भनिएको छ ।
ट्रम्पले भारत र चीनका नागरिकले अमेरिकाको ‘बर्थराइट सिटिजनसिप’ अर्थात् जन्मका आधारमा पाइने नागरिकताको दुरुपयोग गरिरहेको पनि आरोप लगाएका छन् ।
