साढे २ बिघा जग्गामा फैलिने यस होटलको कूल निर्मित क्षेत्रफल १ लाख २० हजार वर्गफिट रहनेछ भने यसमा ८ विलासी सुइटसहित १२४ कोठा र ३७२ बेडको व्यवस्था गरिनेछ। निर्माण कार्य ३ वर्षभित्र सम्पन्न गरी २०८६ सालको वैशाखदेखि होटल सञ्चालनमा ल्याउने लक्ष्य राखिएको छ।
यस परियोजनामा शाहसँगै पूर्व बैंकर ज्ञानेन्द्र प्रसाद ढुंगाना, व्यवसायी काजी लामा, सुदीप कुमार चौधरी र उदयकान्त झाको समेत लगानी रहेको छ। होटलमा अन्तर्राष्ट्रिय स्तरका रेस्टुरेन्ट, क्यासिनो, रूफटप पूल बार, स्पा, हेल्थ क्लब, टेनिस कोर्ट र एम्फीथिएटर जस्ता आधुनिक सुविधाहरू उपलब्ध हुनेछन्। होटल सञ्चालनमा आएपछि प्रत्यक्ष रूपमा १५० जनाले रोजगारी पाउनेछन् भने यसले जानकी मन्दिर र रामायण सर्किटमा आउने धार्मिक पर्यटकहरूलाई स्तरीय आवास सुविधा प्रदान गर्नेछ। भूमि पूजन कार्यक्रममा मन्त्री कनिश पटेल, सांसद मनिष झा र एनआरएनए संस्थापक डा. उपेन्द्र महतो लगायतको उपस्थिति रहेको थियो। यो होटल सञ्चालनमा आएसँगै जनकपुर पाँच तारे सेवा दिने मधेश प्रदेशकै पहिलो शहर बन्नेछ।
