हिजाे बिहानसम्म सो तालमा करिब २० लाख घनमिटर पानी रहेको अनुमान गरिएको थियो । चिनियाँ केन्द्रीय टेलिभिजनका अनुसार जलविज्ञान टोलीको अनुगमनले तालको पानी प्राकृतिक रूपमै निकास भई अहिले लगभग रित्तिसकेको देखाएको छ ।
यसैबीच, गत बुधबार चीन-नेपाल सीमा क्षेत्रको केरुङ नाकामा गएको पहिरोमा परी ठूलो मानवीय क्षति भएको छ । सिजाङको आपतकालीन व्यवस्थापन विभागका अनुसार शनिबार साँझसम्म १६ जनाको मृत्यु भएको पुष्टि भएको छ भने ५४६ जना अझै बेपत्ता छन् । बेपत्ता भएकामध्ये २६१ जना विदेशी नागरिक रहेको चिनियाँ सञ्चारमाध्यमहरूले जनाएका छन् । अहिले सो क्षेत्रमा उद्धार र खोजी कार्य जारी रहेको छ ।
