कम्पनीको २३५ औँ सञ्चालक समितिको बैठकले 'विजय श्री सुगर मिल्स लिमिटेड' र 'भिजन टेस्ला पावर प्रा.लि.' प्रवर्द्धित जलविद्युत् आयोजनामा संस्थापक सेयर खरिदमार्फत सो रकम लगानी गर्ने निर्णय गरेको हो।
कुन क्षेत्रमा कति लगानी ?
-
विजय श्री सुगर मिल्स : हाथवेले चिनी उद्योगतर्फ विजय श्री सुगर मिल्स लिमिटेडको प्रतिसेयर १०० रुपैयाँ अंकित दरका २५ लाख कित्ता संस्थापक सेयर खरिद गरी २५ करोड रुपैयाँसम्म लगानी गर्नेछ।
-
इन्दुवा खोला जलविद्युत् आयोजना : ऊर्जा क्षेत्रतर्फ भिजन टेस्ला पावर प्रा.लि. ले संखुवासभा जिल्लाको मकालु गाउँपालिकामा निर्माण गरिरहेको २४.९२१ मेगावाट क्षमताको ‘इन्दुवा खोला पीआरओआर हाइड्रोपावर प्रोजेक्ट’ (Induwa Khola PROR Hydropower Project) मा १५ करोड रुपैयाँसम्म लगानी गरिनेछ। यसका लागि कम्पनीले प्रतिसेयर १०० रुपैयाँ दरका १५ लाख कित्ता संस्थापक सेयर खरिद गर्ने निर्णय गरेको छ।
लगानीलाई क्षेत्रगत रूपमा विविधीकरण गर्ने तथा दीर्घकालीन प्रतिफल सुनिश्चित गर्ने नीतिअनुरूप यी क्षेत्रहरूमा लगानी विस्तार गरिएको कम्पनीले जनाएको छ।
कम्पनी सचिव सुधा अर्यालका अनुसार यस लगानीसम्बन्धी निर्णयको औपचारिक जानकारी नियामक निकायहरू— नेपाल स्टक एक्सचेन्ज (NEPSE), नेपाल धितोपत्र बोर्ड (SEBON) तथा सीडीएस एन्ड क्लियरिङ लिमिटेडलाई गराइसकिएको छ।
