टेकु सबस्टेसनको प्राविधिक स्तरोन्नति, वितरण लाइन सुदृढीकरण तथा ११ केभी प्यानलमा नयाँ रिले र सबस्टेसन अटोमेसन प्रणाली जडान कार्यका लागि लाइन काट्न लागिएको हो। प्राधिकरणका अनुसार ग्राहकलाई धेरै असुविधा नहोस् भनेर दैनिक कामकाज सकिएपछिको समय अर्थात् राति ११:०० बजेदेखि बिहान २:०० बजेसम्म वा बिहान २:०० बजेदेखि ५:०० बजेसम्म (बढीमा ३ घण्टा) मात्र विद्युत् आपूर्ति बन्द गरिनेछ।
कुन-कुन ठाउँमा कहिले र कुन समयमा बत्ती जानेछ ?
१. रत्नपार्क वितरण केन्द्र अन्तर्गत:
-
सुन्धारा–१ फिडर: असोज ४ र ५ गते (राति ३ घण्टा)
-
सुन्धारा–२ फिडर: असोज ६ र ७ गते (राति ३ घण्टा)
-
थापाथली र मिन्ट फिडर: असोज ७ र ८ गते (राति ३ घण्टा)
-
कालीमाटी फिडर: असोज ९ र १० गते (राति ३ घण्टा)
-
भीमसेनस्थान फिडर: असोज ९ र ११ गते (राति ३ घण्टा)
-
क्षेत्रपाटी फिडर: असोज १० र १२ गते (राति ३ घण्टा)
-
त्रिपुरेश्वर फिडर: असोज १२ र १३ गते (राति ३ घण्टा)
२. पुल्चोक वितरण केन्द्र अन्तर्गत:
-
पुल्चोक फिडर: असोज ५ र ६ गते (राति ३ घण्टा)
-
बागमती फिडर: असोज ६ र ७ गते (राति ३ घण्टा)
-
भैँसेपाटी र रिङरोड फिडर: असोज ७ र ८ गते (राति ३ घण्टा)
३. कुलेश्वर वितरण केन्द्र अन्तर्गत:
-
ताहाचल फिडर: असोज १२ र १३ गते (राति ११:०० देखि बिहान २:०० बजेसम्म)
-
चोभार फिडर: असोज १२ र १३ गते (बिहान २:०० देखि ५:०० बजेसम्म)
-
कुलेश्वर फिडर: असोज १३ र १४ गते (राति ११:०० देखि बिहान २:०० बजेसम्म)
-
कीर्तिपुर फिडर: असोज १३ र १४ गते (बिहान २:०० देखि ५:०० बजेसम्म)
किन गरिँदैछ विद्युत् कटौती ?
आयोजना प्रमुखका अनुसार विद्युत् प्रणालीलाई थप सुरक्षित, भरपर्दो र आधुनिक बनाउन पुराना उपकरणहरू हटाई नयाँ प्रणाली (रेट्रोफिट तथा अटोमेसन) जडान तथा परीक्षण गर्न लागिएको हो। तोकिएको समयभन्दा अगाडि नै काम सम्पन्न भएमा निर्धारित समयभन्दा पहिल्यै विद्युत् आपूर्ति पुनः सुरु गरिने प्राधिकरणले जनाएको छ।
