हालसम्म आईपीओ निष्कासन नगरेको यस लघुवित्तको चुक्ता पूँजी ७ करोड रहेको छ। लघुवित्तको जगेडा कोषमा ६ करोड १८ लाख रुपैयाँ सञ्चित छ। पुस मसान्तसम्ममा लघुवित्तले ४३ करोड ८८ लाख निक्षेप र १३ करोड ३९ लाख सापटीबाट ७७ करोड ९ लाख रुपैयाँ कर्जा प्रवाह गरेको छ।
यसबापत लघुवित्तले ५ करोड ७४ लाख ब्याज आम्दानी र २ करोड ३ लाख ब्याज खर्च गरेको छ। लघुवित्तको खुद ब्याज आम्दानी भने ३ करोड ७१ लाख रहेको छ। त्यसैगरी, सो अवधिसम्ममा लघुवित्तको सञ्चालन मुनाफा १ करोड ४ लाख रहेको छ। पुस मसान्तसम्ममा ४९ लाख १५ हजार खराब कर्जा उठाउन सफल यस लघुवित्तले नियमित कारोबारबाट १ करोड ५३ लाख नाफा कमाएको छ।
दोस्रो त्रैमासको अन्त्यसम्ममा लघुवित्तको निष्क्रिय कर्जा १.८८ प्रतिशत रहेको छ भने कष्ट अफ फण्ड ८.२१ प्रतिशत रहेको छ।
लघुवित्तले गत पुस २ गते आँधिखोला लघुवित्तसँग गाभ्ने/गाभिने सम्झौता गरेको थियो। स्याङजामा केन्द्रीय कार्यालय रहेको आँधिखोला लघुवित्त र बाग्लुङमा केन्द्रीय कार्यालय रहेको धौलागिरी लघुवित्त आपसमा गाभिएपश्चात बन्ने नयाँ संस्थाको नाम धौलागिरी आँधिखोला लघुवित्त रहने छ भने चुक्ता पुँजी १७ करोड रुपैयाँ पुग्नेछ।
