नेपाल सुनचाँदी व्यवसायी महासंघका अनुसार आज छापावाला सुन प्रतितोला ९२ हजार १०० रुपैयाँमा र तेजाबी सुन प्रतितोला ९१ हजार ६०० रुपैयाँमा कारोबार भइरहेको छ । पुस महिनाको अन्तिम दिन सुनको मूल्य बढेर प्रतितोला ९२ हजार ९०० रुपैयाँ पुगेको थियो ।
यसैगरी चाँदीको भाउमा पनि महिनाको पहिलो दिन सामान्य गिरावट देखिएको छ । यसदिन चाँदी तोलामा १५ रुपैयाँले घटेर प्रतितोला एक हजार २४५ रुपैयाँमा खरिदबिक्री हुँदैछ । बुधबार चाँदीको भाउ वृद्धि भएर प्रतितोला एक हजार २६० रुपैयाँमा किनबेच भएको थियो ।