बिहीबार ६ जनाको कोभिड १९ संक्रमणबाट मृत्यु भएको छ भने तथ्यांक अनुसार कुल एक हजार ९४३ जनाको मृत्यु भइसकेको छ । यस अवधिमा कोरोनामुक्त हुने ४०५ जना छन् र मुलुकमा कुल दुई लाख ६० हजार १७७ जनाले संक्रमण जितिसकेका छन् ।
यस दिन थपिएका संक्रमितहरुमध्ये काठमाडौंका २२० जना, ललितपुरका २३ जना र भक्तपुरका तीन जना गरी उपत्यकाका २४६ जना रहेका छन् ।
हाल क्वारेन्टिनमा २३१ जना, सक्रिय संक्रमण भएका चार हजार ४२६ जना र संस्थागत आइसोलेसनमा एक हजार १२४ जना रहेको स्वास्थ्य तथा जनसंख्या मन्त्रालयको विवरणमा उल्लेख गरिएको छ ।
अहिलेसम्म नेपालमा कुल २० लाख दुई हजार ४१ जनाको पीसीआर परीक्षण भइसकेको छ ।
