नाफासँगै घट्यो साल्ट ट्रेडिङ्गको ईपीएस

Aug 10, 2021 04:23 AM Merolagani

साल्ट ट्रेडिङ्ग कर्पोरेशन लिमिटेड (STC) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार कम्पनीको खुद नाफा र प्रतिशेयर आम्दानी दुबै घटेको छ।

गत असार मसान्तसम्ममा कम्पनीले ४ करोड ७९ लाख रुपैयाँ खुद नाफा आर्जन गरेको छ। जुन अघिल्लो आर्थिक वर्षको सोही अवधिको तुलनामा २४.२२ प्रतिशत कम हो।

कम्पनीको बिक्री आम्दानी सामान्य बढेपनि बिक्री लागत बढेका कारण खुद नाफा घट्न पुगेको देखिन्छ।

समीक्षा अवधिमा कम्पनीको बिक्री आम्दानी ६.८० प्रतिशत बढेको छ भने कुल नाफा १.८० प्रतिशत घटेको छ। त्यसैगरी, कम्पनीको चुक्ता पूँजी २० प्रतिशत बढेको छ भने जगेडा कोष २.२७ प्रतिशत बढेको छ।

खुद नाफा घटेपछि कम्पनीको ईपीएस पनि घटेको छ। समीक्षा अवधिमा कम्पनीको ईपीएस १२ रुपैयाँ १४ पैसा घटेर २० रुपैयाँ ८० पैसामा सीमित भएको छ। असार मसान्तसम्ममा कम्पनीको प्रतिशेयर नेटवर्थ ४५५ रुपेयाँ ५७ पैसा रहेको छ भने मूल्य आम्दानी अनुपात ४७३.५९ गुणा रहेको छ।

comments powered by Disqus

बेलुकी ५ बजे तीन मन्त्रीहरूको शपथ गराइने, यी हुँदै छ्न् मन्त्री ?

Mar 04, 2024 01:12 PM

सत्ता गठबन्धन परिवर्तन भएपछि साेमबार नै सानो मन्त्रिमण्डल गठन गरिने भएको छ । प्रमुख दलका तीन जनालाई आजै शपथको तयारी गरिएको छ । तीन जनालाई नै बिना विभागीय मन्त्रीको रुपमा शपथ गराइने भएकाे  हाे ।