आज छापावाल सुन प्रतितोला ९१ हजार ९०० रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । यसैगरी तेजाबी सुन प्रतितोला ९१ हजार ४०० रूपैयाँमा किनबेच हँदैछ ।
बिहिबार सुन तोलामा रूपैयाँले बढ्दा प्रतितोला ९१ हजार ७०० रूपैयाँ कायम रहेको थियो । मंगलबार यता सुनको मूल्यमा निरन्तर गिरावट देखिएको हो । साताभरमा सुन प्रतितोला दुई हजार ५०० रूपैयाँले गिरावट भएको छ ।
अघिल्लो साताको शुक्रबार सुन प्रतितोला ९४ हजार ४०० रूपैयाँ तोकिएको थियो । तर आईतबारदेखि सुनको मूल्य निरन्तर घटिनै रह्यो । यस साताको सोमबार सुन सबैभन्दा उच्च मूल्यमा कारोबार भएको थियो । सो दिन सुन प्रतितोला ९३ हजार ९०० रूपैयाँमा खरिद बिक्री भएको थियो ।
शुक्रबार सुनको भाउ बढेपनि चाँदीको भने घटेको छ । यस दिन चाँदी तोलामा पाँच रूपैयाँले अाेरालो लागेर प्रतितोला एक हजार २२५ रूपैयाँमा कारोबार हुँदैछ । अघिल्लो कारोबार दिन चाँदी तोलामा पाँच रूपैयाँले वृद्धि भई एक हजार २३० रूपैयाँमा खरिद बिक्री भएको थियो। महासंघको तथ्यांक अनुसार साताभरमा चाँदी प्रतितोला ५० रूपैयाँले घटेको छ । पछिल्लो साताको शुक्रबार चाँदी प्रतितोला एक हजार २७५ रूपैयाँमा किनबेच भएको थियो । त्यसयता चाँदीको भाउमा सामान्य उतारचढाव देखिएको थियो । यो साता चाँदीको सबैभन्दा उच्च कारोबार मूल्य सोमबार प्रतितोला एक हजार २७० रूपैयाँ थियो भने सबैभन्दा कम कारोबार मूल्य बुधबार र आजको रहेको महासंघले जनाएको छ ।
