१९ जीवन बीमा कम्पनीहरु मध्ये पाँच कम्पनीहरुको खुद नाफा घटेका छन् । सबै भन्दा धेरै खुद नाफा घट्नेमा नेपाल लाइफ इन्स्योरेन्स रहेको छ । नेपाल लाइफको नाफा ९६.९३ प्रतिशतले घटेर ७० लाख ३३ हजार रुपैयाँमा सीमित भएको छ । गत आर्थिक वर्षको यहि अवधिमा नेपाल लाइफले २२ करोड २९ लाख रुपैयाँ खुद नाफा आर्जन गरेको थियो ।
एनआईसी नेपालको पनि खुद नाफा ४४.९० प्रतिशतले घटेर ३ करोड १९ लाख रुपैयाँमा झरेको छ ।
यस्तै नेशनल लाइफको २६.७२ प्रतिशत, मेट लाइफको १०.८५ प्रतिशत र गुराँस लाइफको ४.१५ प्रतिशतले खुद नाफा घटेका छन् ।
सबै भन्दा धेरै खुद नाफा बढाउनेमा भने सन नेपाल लाइफ शिर्ष स्थानमा रहेको छ । सन नेपालले यस अवधिमा ५ करोड २ लाख रुपैयाँ खुद नाफा कमाएको छ । गत आर्थिक वर्षको असोजसम्ममा कम्पनीले २ करोड ५४ लाख रुपैयाँ खुद नाफा कमाएको थियो ।
राष्ट्रिय बीमा संस्थानको खुद नाफा पनि ५२.३३ प्रतिशतले बढेर १५ करोड ६४ लाख रपैयाँ पुगेको छ । गत आर्थिक वर्षको यहि अवधिमा कम्पनीले १० करोड २७ लाख रुपैयाँमात्रै खुद नाफा आर्जन गरेको थियो ।
यस्तै युनियन लाइफको ४२.५२ प्रतिशत, रिलायन्स लाइफको ३८.१८ प्रतिशत, ज्योति लाइफको २७.७७ प्रतिशत, सानिमा लाइफको २४.७८ प्रतिशत, रिलायवल नेपालको १३.१० प्रतिशत र सूर्या लाइफको ११.८० प्रतिशतले खुद नाफा घटेका छन् ।
सिटिजन लाइफ, प्राइम लाइफ र आइएमई लाइफको खुद नाफा भने १ प्रतिशतले मात्रै बढेको छ ।
बीमा कम्पनीहरुको नाफ किन घट्यो?
चालु आर्थिक वर्षको पहिलो त्रैमाससम्ममा पाँच जीवन बीमा कम्पनीहरुको नाफा घट्न समग्र १४.१७ प्रतिशतले घटेको छ । नेपाल लाइफको खुद नाफा सर्वाधिक ९६.९३ प्रतिशतले घट्दा समग्र बीमा कम्पनीहरुको नाफामा असर देखिएको हो ।
नेपाल लाइफले शेयर लगानी नोक्सानी वापत १८ करोड ८ लाख रुपैयाँ छुट्याउदा खुद नाफा उल्लेख्य घटेको जनाएको छ ।
फ्युचर बोनसका लागि प्रोभिजनिङ गर्नुपर्ने भएकोले जीवन कम्पनीहरुको नाफामा प्रभाव प्रभावित भएको हो । फ्युचर बोनसका लागि प्रोभिजनिङ गर्दा नाफा खुम्चिन आएको बीमा समितिका कार्यकारी निर्देशन राजुरमण पौडेलको भनाई छ ।
बीमा समितिले जीवन बीमा कम्पनीहरुका लागि बीमकको बीमांकीय मूल्यांकन सम्बन्धी निर्देशिका २०७७ मा फ्युचर बोनसको लागि ५ वर्ष सम्ममा २० प्रतिशत प्रोभिजन गर्नुपर्ने व्यवस्था गरेको थियो । त्यस अनुसार प्रोभिजनमा रकम छुट्टाउँदा बीमा कम्पनीहरुको नाफा प्रभावित बनेको हो ।