आर्थिक वर्ष २०७९÷०८० को नेपाल सरकारको वार्षिक नीति तथा कार्यक्रममाथि सांसदहरुबाट प्राप्त संशोधनहरु प्रस्तुत हुने र सम्बोधनमाथि छलफल हुँदै छ ।
प्रतिनिधि सभाको बैठकमा आज प्रमुख प्रतिपक्षी दल नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले सम्बोधन गर्दैछन् । आज शुरुवाती चरणमा नै आलीले सरकारले जेठ १० गते प्रस्तुत गरेको आगामी आर्थिक वर्षको वार्षिक नीति तथा कार्यक्रमको बारेमा बोल्दै छन् ।
नेकपा एमालेले प्रधानमन्त्री देउवा नेतृत्वको सरकारले देश र जनताका लागि कुनै नयाँ नीति तथा कार्यक्रम नल्याएको भन्दै बिरोध गर्दै आएको छ । सरकारले जेठ १५ गते आगामी वर्षको लागि बजेट ल्याउँदैछ । बजेटका ल्याउनका लागि सरकारले नीति तथा कार्यक्रम प्रस्तुत गरेको छ, यसलाई छलफल गरेर सांसदहरुले राखेका प्रस्तावलाई संशोधन गरी बजेट ल्याउने सरकारको तयारी छ ।