घरबेटीले भाडा रिन्यु नगरेपछि फुरेको प्लान ‘किङ्स लाउन्ज’,५ बर्षमै कुमारले बनाए दरबारमार्गकै ब्रान्ड

Jun 23, 2022 06:34 PM Merolagani

युवराज बस्नेत

विद्यार्थी राजनीति गर्दैगर्दा कुमार गुरुङ दरबारमार्ग आइरहन्थे । सानैदेखि विद्यार्थी राजनीतिमा होमिएका उनी शंकरदेवमा स्नातक पढ्न भर्ना भएपछि उनको राजनीतिक यात्रा झन रफ्तारका साथ अघि बढ्यो ।

नुवाकोटको सूर्यगढी गाउँपालिकामा जन्मिएका उनले एसएलसी,प्लसटुसम्मको पढाइ उतै सके । उनका बुबा पनि सक्रिय राजनीतिमा रहेको र लामो समयदेखि जनप्रतिनिधि भएको कारण पनि कुमारलाई स्कुल लेबलदेखि नै राजनीतिको रस पस्यो । त्यसैले राजनीतिमा भिज्न उनलाई सहज नै भयो।

नुवाकोट विज्ञान माध्यमिक विद्यालयबाट २०५५ सालमा एलएसी दिएका कुमारले प्ल्सटुसम्मको पढाइ उतै हासिल गरेर उच्च शिक्षाका लागि भन्दै काठमाडौं झरे । प्लस टुको पढाइ नुवाकोटमै सकाएर बिबिएस पढ्न पुतलीसडक स्थित शंकरदेव कलेज भर्ना भए ।

जब प्लसटुसम्मको पढाइ नुवाकोटमै सकेर काठमाडौं झरे उनका लागि सबै नयाँ थियो । कुमार आफै केही गरेर देखाउन चाहान्थे ।

शंखरदेव क्याम्पसमा स्नातक गर्न छिरेपछि विद्यार्थी राजनीतिसँग उनले साथीभाईको सर्कल फराकिलो बनाए । जतिबेला विद्यार्थी राजनीतिमा ढुङ्गामुढा, तोडफोड गर्नु, सडकमा टायर बाल्नु सामान्य जस्तै थियो ।

अधिकांश समय शंकरदेव क्यामपसबाट हल्लाखल्ला गर्दै, जुलुस निकाल्दै, नारावाजी गर्दै दरबारमार्गमा साथीभाईसँग आइरहन्थे । उनी सम्झिदै भन्छन ‘त्यतिबेला मसँग पैसा पनि खासै हुदैनथ्यो,आफुभन्दा सिनियर दाइसँग आउँथे।’  काठमाडौं आएपछि आफैले दुख: र हिम्मतले विद्यार्थी राजनीतिमा सक्रिय भुमिका सहित अघि बढ्दै गए ।

व्यवसायिक घरानाका नभएपनि आफ्नो खुट्टामा उभिन,पेट पाल्न केही न केही व्यवसाय गर्नुपर्छ भन्ने मान्यता कुमारसँग थियो । विद्यार्थी राजनीतिसँग कुनै सानो व्यवसायमा लाग्ने योजना उनीसँग पहिलेदेखि नै थियो ।

शंकरदेव पढ्दै गर्दा दुई बर्षभन्दा बढी समय वोट्लर्स नेपालमा सेल्सका रुपमा समेत काम गरे । त्यसभन्दा अगाडि रेडक्रसमा पनि जागिर खाए । जागिर राम्रो चलिरहेको थियो । तर, जागिरले मात्रै जिन्दगी नबन्ने भन्दै नयाँ व्यापार व्यवसाय गर्ने उनलाई मोड चल्यो ।

कुमार सम्झिन्छन् ‘मलाई त्यो समय व्यापार व्यवसाय भनेको के हो केही थाहा थिएन तर,केही गर्छु भन्ने मनमा पहिलादेखि नै थियो।’  आफै केही गर्नुपर्छ, आफ्नै व्यवसाय गर्नुपर्छ भन्ने मान्यताका कुमार स्नातक पढ्दा पढ्दै न्युरोडमा केही बर्ष मोबाइल बनाउने तथा बेच्ने पसल सञ्चालनमा ल्याए ।

जतिबेला नेपालमा मेमोरि कार्ड, हार्डडिक्स, मोबाइल पनि भर्खर भर्खर नेपालमा प्रचलनमा आएको थियो । कुमारको कमाई, व्यवसाय पनि राम्रो चलिरहेको थियो । नेपालमा भर्खर भर्खर मोबाइलको ट्रेन चलेको त्यो समय व्यापार पनि राम्रो अवस्थामा पुगेको बताउँछन कुमार ।

मोबाइल पसलले मात्रै कुमारलाई सन्तुष्टि दिएन । उनी र केही साथीभाई मिलेर नयाँ अवसर खोजी गर्न थाले । सक्रिय विद्यार्थी राजनीतिसँगै व्यवसायलाई पनि सँगसँगै लैजाने योजना बनाएर कतै बसेर चिया,खाजा खाने ठाउँ खोल्ने कुमारलाई सोच आयो ।

साथीहरुसँगको लहडमा एकदिन दबारमार्गमा आफ्नै गर्ने हिम्मत सहित बस्ने,रमाउने र ग्राहक आएर रिल्याक्स गर्ने ठाउँ खाेज्न थाले ।

दरबारमार्गको शेर्पा महलमा चलाउन नसकेको रेष्टुरेन्ट छ भन्ने थाहा पाए । त्यहाँ कुमार सहितको टिमले हेर्यो, चल्न सकिने ठाउँ रहेको निष्कर्ष निकाले अनि किने पनि । त्यतिबेला कुमार र उनको पुराना साथी रामचन्द्र श्रेष्ठ मात्रै थिए । उक्त रेष्टुरेन्टको नाम जुजुवा राखेर आफैले दु:ख गर्दै नाम चल्नेसम्मकाे बनाए ।

हस्पिटालिटी नपढे पनि साथीभाईको जोशले रेष्टुरेन्ट किने । ‘कसरी व्यवसाय गर्ने, कसरी चलाएर नाफा कमाउने र ग्राहक कसरी बनाउने उनको टिमलाई केहि पनि ज्ञान थिएन तर, हामीसँग आँट थियो’ कुमारले मुस्कुराउँदै भने ।

मान्छे इमान्दार र डेडिकेट भएर लाग्यो भने  सफल हुने रहेछ भन्ने कुमारलाई लाग्यो । मोबाइल व्यवसाय चल्दा चल्दै दरबारमार्गमा ६ महिनादेखि बन्द रहेको रेष्टुरेन्ट किने ।

रेष्टुरेन्ट किने तर, हस्पिटालिटी क्षेत्रमा काम गरिरहेका साथिहरुसँग आइडिया लिएर,साथीभाईको ठूलो सर्कल बनाउदै रेष्टुरेन्ट चालाउन सक्ने भए ।

जागिर नगर्ने,जति खट्नु परे पनि खट्ने हिसाबले तीन जना साथी मिलेर शेर्पा मलको अगाडी रेष्टुरेन्ट चलाउदै गए । व्यवसाय फापेको अनुभूति उनलाई भयो । ४५ जना स्टाफ समेत राखे ।

घरबेटीले भाडा रिन्यु नगरेपछि बनेको प्लान ‘किङ्स लाउन्ज’

जुजुबा रेष्टुरेन्टको लागि घरबेटीसँग दुई बर्षको सम्झौता भएको थियो । दुई बर्षसम्म कुनै अवरोध विनै चलाए । रेष्टुरेन्ट भएपनि त्यो लाउञ्च स्टाइलकै व्यवसाय थियो । तर,नयाँ भाडा रिन्यु गर्ने समयमा घरमालिकले रिन्यु नगर्ने भन्यो ।

रिन्यु नगर्ने भनेपछि १८ महिन मुद्दा नै चल्यो । ‘जब हामी दु:ख गरेर सञ्चालन गर्ने, नाफामा जाने र ठूलो सर्कलमा जाने वातावरण बन्यो त्यतिनै बेला घरबेटीले पूर्वाग्रहको भावना राखे । ‘हामी जब फक्रन लाग्यौं, त्यतिबेलै घरबेटीले रिन्यु गरिदिएनन्‘ कुमारले भने ।

उनले उनकै भाषामा भने ‘हामीलाई त्यहाबाट निकालियो।’ पेशा बन्द भएपछि रेष्टुरेन्टको टेबल कुर्सी व्यवस्थापनमा कुमारको टिमलाई धेरै अफ्ट्यारो अवस्था आयो । त्यहाँको मुद्दा पाखा लागेपछि फेरि ठाँउ खोज्न तिर लागे ।

खोजेको ठाउँमा चित्त नबुझ्ने,पाएको ठाउँ उपयुक्त नभएपछि लामो समय ठाँउ खोज्न भौँतारिए कुमार । उनकाे टिमलाई दबारमार्ग क्षेत्र भित्र लाउन्ज चलाउनुपर्ने थियो । धेरै नेतादेखि व्यवसायीसम्म उपयुक्त ठाउँको लागि हारगुहार गरे । अन्तमा दरबार मार्गको मुटुमै ठाउँ पाए ।

पहिलेको भन्दा फरक, ठूलो स्केलमा र नयाँ डिजाइनका साथ योजनाको खाका कोरे । दरबारमार्गमा ठूलै लगानीमा खोल्ने भनेपछि नाम पनि त्यहि अनुसारको खोज्न थाले । टिमलाई नामाकरण गर्न पनि लामो समय लाग्यो ।

साथीभाईसँग नाम तथा ब्रान्डको लागि धेरै छलफल गरे । दरबारमार्ग भएकाले परापूर्वकालदेखि राजा बस्ने ठाँउको रुपमा परिचित र राजा हटेपनि लाउन्जको नामलाई यसैसँग जोड्नुपर्छ भन्ने टिमलाई लाग्यो ।राजा जस्तै स्मृतिमा रहि रहने विश्वासमा साथ नाम राखे

 ‘किङस् लाउन्ज’ ।

किङ्समा पहिलेको रेष्टुरेन्टको टिममा केही चिनजानका व्यवसायी साथीहरु पनि लगानीकर्ताको रुपमा थपिए । कुमार सहितको टिमले २०७३ सालको अन्त्य तिर किङ्स लाउन्ज नामक भब्य रेष्टुरेन्ट उद्घाटन गरे ।

दरबारमार्गकै ब्रान्ड बनिरहेको किङ्स्

अहिले कुमार गुरुङ राजनीतिसँगै व्यवसायलाई पनि आक्रामक रुपमा अघि बढाइरहेका छन । विद्यार्थी राजनीतिदेखि अहिले कुमार गुरुङ सफल व्यवसायीको रुपमा उदाएका छन । त्यतिमात्रै होइन किङ्स लाउन्ज दरबार मार्गकै ब्रान्ड बनिरहेको छ ।

अहिले युवापुस्तादेखि सबै उमेर समुहबीच परिचित नाम भनेको छ दबारमार्गको किङ्स लाउन्ज । जहाँ युवायुवती दिनभरको थकान भुल्दै संगीतमा झुम्छन्, हाँस्छन्, अनि दिल खोलेर नाच्न सक्छन् ।

एकै पटक सयौं जना नाच्न सक्ने र त्यही अनुसार रमाइलो गर्न सक्ने हुनाले पनि किङ्स पछिल्लो समय युवापुस्ताको मुखमै झुन्डिएको छ । सयौँ युवालाई फ्लोरमा उतारेर नचाउने, झुमाउने र मिठो मिठो स्वाद पस्किने दैनिकी नै बनिसकेको छ किङ्स लाउन्जका सीईओ अर्थात सञ्चालक कुमार गुरुङ ।

अधिकांश साझ सोही किङ्सको भीडमा भेटिन्छन् कुमार । अहिले झमक्क साँझ नपर्दै दरबारमार्ग क्षेत्रलाई किङ्सले तन्नेरी पुस्तालाई बिउँझाइ दिन्छ ।

अहिले उनी दरबारमार्ग पेशा व्यवसायीसंघको संयोजक छन । कुनै व्यवसाय गर्दा कम्तिमा १० बर्ष स्थिर हुनुपर्छ र  टिम,योजना आवश्यक पर्छ गन्तब्य देखाइदिने एकजना लिडर चाहिन्छ जो कुमार गुरुङ बनिरहेका छन । किङ्स लाउञ्चमा एकपटक ५०० जना भन्दा बढीले रम्न, रमाउन सक्छन ।

‘हामीलाई पहिलेदेखि नै दरबार मार्गमै बस्नु थियो र सबै पेशा बर्ग र क्षेत्रका मान्छेसँग ठोकिने प्लाटर्फम बनाउनु थियो’ कुमारले भने ‘राजनीतिसँग जोडिएको मान्छे भएको कारण पनि सबैसँग जोडिन दरबार मार्गसँग नजिक भयौं।’  रेष्टुरेन्ट सँगै उनी फाइनान्स,रियलस्टेट क्षेत्रमा पनि कुमारको समुहले लगानी गरेको छ ।

किङ्स लाउञ्जमा कुमार, रामचन्द्र श्रेष्ठ सहित ६ जना टिम छन् जसले ५ बर्षमै लोकप्रिय बनाए । ८ करोड लगानीबाट रेष्टुरेन्ट छाडेर सुरु भएको किङ्स लाउन्ज अहिले करोडौंको कारोबार गर्ने भइसकेको छ । अहिले किङ्स् लाउञ्चमा १०० जना हाराहारीले रोजगारी पाएको कुमारले बताए ।

यो व्यवसायमा सुरुमा लाग्दै गर्दा राज्यका कुनै पनि निकायले सहि नजरले प्रोत्साहन नगरेको सम्झिन्छन कुमार ।
सुरुवाती चरणमा आइडिया नभएर ठक्कर खानुपरेको समयमा मन अतालिने अवस्थामा पुगेको तर, हार नखाएको कुमार बताउँछन ।

‘सफलता भनेको मेहेनत र कर्ममा भर पर्ने हो,अहिलेको जवाना टिमले काम गर्ने हो । टिम बिना केहि पनि सम्भव छैन’ हिजो दुख गरेरै आएका हौं, मेहेनत गरेर अघि बढ्ने हो’ कुमारले हिम्मतका साथ भने ।

धेरै लामो समय बस्ने, व्यवसाय गर्ने प्लान कुमारले बनाएका छन् । अहिले मान्छे इजी एक्सेस र इजी मनि खोज्न तिरै लिप्त भएको भन्दै मेहेनत नगरी केहि पनि नहुने उनको भनाई छ ।

अहिले कुमार नेपालीहरु खुशी हुने, झुम्ने, रमाउने प्लाटफर्म बनाउन लागिरहेका छन् । ‘व्यापार व्यवसाय नाफा कमाउनको लागि मात्रै होइन, मल्टी जेनेरेशनलाई सेवामार्फत सन्तुष्टि दिनु पनि हो’ कुमारले भने ।

केहि फरक गर्ने संकल्प

दरबार मार्गमा किङ्स लाउन्ज उद्घाटन भएपछि त्यहाँको एउटा ब्रान्ड जस्तै भएको छ । देशभरका मान्छे झुम्न, रमाइलो गर्न, किङ्स लाउन्ज कै लागि देश विदेशबाट धाउने गरेका छन् । देश विदेशका कलाकार, राजपरिवार, ठूला ठूला नेता समेत त्यहाँ पुग्ने गरेका छन् ।

अहिले काठमाडौं र पोखरामा मात्रै किङ्स लाउन्ज सञ्चालनमा छ । काठमाडौंमा उद्घाटन भएको एक बर्षमै पोखरामा पनि फ्रेन्चचाइज खुलाउन कुमार सफल भए ।

देशैभर ५ बर्षभित्र आउटलेट खुलाउने योजना बनाए पनि कोभिडको कारण सम्भव नभएको कुमार गुरुङ बताउँछन । अन्य ठाउँमा पनि खोल्ने योजना बनाए पनि कुमार सहितको टिमलाई कोभिडले धक्का दियो ।

किङ्स लाउञ्जको फ्रेन्चचाइज देशैभर एक दर्जन पुर्याउने योजना बनाएका छन् कुमारले । देशभित्र मात्रै होइन, देश बाहिर पनि आउटलेट खोलेर अघि बढ्ने तयारी गरेका छन् ।

‘सबैले बाहिरबाटमात्रै विदेशी ब्रान्ड ल्याउछन् तर, नेपालका ब्रान्ड देश बाहिर लाने कोही भेटिदैन’ कुमारले भने । कुमारको टिमले त्यसैले देशबाहिर पनि खोल्ने योजना बनाएका छन् ।

comments powered by Disqus

खर्च बढ्दा हिमालयन डिष्टिलरीको नाफामा दबाब

Aug 14, 2022 08:43 AM

हिमालयन डिष्टिलरी लिमिटेड (HDL) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार कम्पनीको नाफा अघिल्लो आर्थिक वर्षको सोही अवधिको तुलनामा झिनो सुधार भएको छ।