एशियन लाइफका बीमितले व्यतित बीमालेखमा लाग्ने विलम्ब शुल्कमा शत प्रतिशतसम्म छुट पाउने

May 31, 2023 11:55 AM Merolagani



एशियन लाइफ इन्स्योरेन्स (ALICL) ले व्यतित बीमालेखमा शत प्रतिशतसम्म विलम्ब शुल्क छुट दिने भएको छ । कम्पनीका बीमितले व्यतित बीमालेख नवीकरण गर्दा शतप्रतिशतसम्म विलम्ब शुल्क(ब्याज)छुट पाउने भएका हुन् ।

कम्पनीबाट जारी गरिएका तथा नियमित रुपमा बीमाशुल्क भुक्तानी नगरेका करण २०७८ जेठ १६ गतेसम्म व्यतित भएका बीमालेखहरु २०८० जेठ १७ गते देखि असार २५ गते भित्र पुर्नजगरण गराउने बीमितहरुलाई लाग्ने व्याजमा छुट प्रदान गर्ने जनाएको हो ।

कम्पनीले जेठ १७ गतेबाट परिपक्व अवधि २ वर्षदेखि ५ वर्षभन्दा कमको बीमालेखमा २५ प्रतिशत, ५ वर्ष देखि १० वर्ष भन्दा कमको बीमालेखमा ५० प्रतिशत र १० वर्ष देखि माथि परिपक्व अवधि रहेका बीमालेखहरुमा शत प्रतिशत विलम्ब शुल्कमा छुट प्रदान गर्नेछ ।

कम्पनीले विलम्ब शुल्क(ब्याज) छुट बीमा अवधिभरि एक पटक मात्र पाईने जनाएको छ । यस सम्बन्धी अन्य जानकारी लिनु परेमा कमपनीको शाखा/उपशाखा तथा अभिकर्तासँग सम्पर्क गर्न समेत कम्पनीले आग्रह गरेको छ ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।