यसकारण बजारमा आयाे राैनक, अब बजार बढ्ने नै हाे त ?

Nov 26, 2023 03:22 PM Merolagani

साताको पहिलो कारोबार दिन बजारमा आज उछाल आएको छ । आज बजार बढेर १९०७‍.९५ विन्दुमा पुगेकाे छ । यसअघि बजारका लागि सकारात्मक समाचारहरु आए पनि खासै उत्साह आउन सकिरहेको थिएन ।

तर आजको बजारमा उत्साह ल्याएको छ । आंइतबारको बजार ४७ अंकले बढेर १९०७.९५ मा पुगेको छ भने दुई अर्ब रुपैयाँ भन्दा धेरैको शेयर खरिद बिक्री भएको छ ।

युवा संघ र मेडिकल व्यवसायी दुर्गा प्रसाईंकाे प्रदर्शनले बजारमा मर्का पर्न सक्ने आँकलन गरिएको कारण बजार साईडवेजमा थियो । जसकारण बजारमा लागि देखिएका सकारात्मक गतिविधिहरु ओझेलमा परेको थियो । तर ती आन्दोलनले पनि केही फरक नपार्ने भएपछि बजारले राम्रो गति समाएको लगानीकर्ता एसपी चौलागाईँले बताए ।

"उक्त आन्दोलनमा बैंकको साँवा ब्याज मिनाहा हुने हल्ला थियो । त्यो सम्भव पनि थिएन । मिनाहा हुन सक्छ भन्ने भ्रम पनि सकिएको छ । त्यसैले गर्दा अब बजार बढ्ने नै हो", -चौलागाईले भने ।

१८१६ सयको विन्दुलाई टेको लाउँदै बजारले गति समाएको छ । विगत तीन कारोबार दिनदेखि बढेको बजार आज १९ सय माथिको विन्दुमा पुगेर बन्द भएको छ।

त्यसैगरी, नेपाल सरकारले लगानी सम्मेलन गर्ने तयारी गर्दैछ । यसको प्रभाव पनि बजारमा सकारात्मक रुपमा पर्ने जानकारहरुको बुझाई छ । अब बजारमा नकारात्मक भन्दा सकारात्मक कुरा धेरै छ । ब्यक्तिगत मुद्दती निक्षेपको ब्याजदर करिब १० प्रतिशत अर्थात औसत ९.६३ प्रतिशतमा झरेको छ । दोहोरो अंकमा रहेकाे बैंककाे ब्याजदर एकल अंकमा झरेका छन् । औसत सिडि रेसियो ८१.०५ प्रतिशतको लाईनमा छ । कर्जा लिन इच्छुकहरुले एकल अंकमा कर्जा प्राप्त गर्न सक्ने सम्भावना बढेको लगानीकर्ताहरुको बुझाई छ ।

बजारको नियामक निकाय धितोपत्र बोर्डले म्युचुअल फन्डहरुले आरक्षणमा पाएको शेयर ६ महिनाका लागि लक हुने व्यवस्था गरेको छ । यसले बजारमा फण्डमार्फत आएको सप्लाईलाई नियन्त्रण गर्ने देखिएर पनि बजार बढेकाे छ ।

उता राष्ट्र बैंकले माैद्रिक समीक्षा मार्फत केही सुधारकाे संकेत दिएकाे छ । यसले पनि प्रभाव परेकाे देखिन्छ ।

comments powered by Disqus

डुब्ने हल्लाले एनआइसी एशिया बैंकको २७ अर्ब निक्षेप बाहिरिँदा यसरी हुने भयो उल्टै फाइदा

Feb 26, 2024 06:17 PM

पछिल्लो समय चलेको बैंक डुब्ने हल्लाले एनआइसी एशिया बैंक(NICA)लाई थप फाइदा पुगेको छ। एनआइसी एशिया बैंक डुब्छ भन्ने हल्ला फैलाएर भ्रम सिर्जान गर्न खोज्दा बैंकका सर्वसाधारण निक्षेपकर्ता डराएर बैंकबाट ठूलो रकमको निक्षेप निकालेका छन्। तर अन्तमा यसले बैंकलाई नै फाइदा पुगेको छ।