शिखर इन्स्योरेन्स (SICL) ले मंसिर १७ गते बिहीबारदेखि आवेदन दिन सक्ने गरि एफपीओ निष्काशन गरेको छ । इन्स्योरेन्समा सर्वसाधारणको हिस्सा ३० प्रतिशत बनाउनका लागि कम्पनीले प्रिमियममा ५ लाख १० हजार ९ सय ८८ कित्ता शेयर निष्काशन गरेको हो । आवेदकले प्रतिकित्ता ६ सय ५० रुपैंयाका दरले १० कित्तादेखि १ लाख कित्तासम्मका लागि आवेदन दिन सक्ने छन् ।

कम्पनीले प्रिमियममा शेयर निष्काशनका लागि आह्वान पत्र प्रकाशित गरेको छ । इन्स्योरेन्सको शेयर निष्काशन तथा बिक्रि प्रबन्धक एनआइबीएल क्यापीटलका अनुसार अबवेदकले शिखर इन्स्योरेन्सको मुख्य कार्यालय थापाथलीका साथै शाखा कार्यालयहरु न्युरोड, गोंगबु, चाबहिल, बिराटनगर, बीरगञ्ज, पोखरा, नारायणगढ, बुटबल र नेपालगञ्जबाट आवेदन दिन सक्ने छन् ।

त्यसै गरि एनआइबीएल क्यापिटल लाजिम्पाट र नेपाल इन्भेष्टमेण्ट बैंकका मुलुकभरका सबै शाखाहरुबाट पनि एफपीओका लागि आवेलन दिन सक्ने क्यापीटलका महाप्रबन्धक मेख बहादुर थापाले जानकारी दिए । उनका अनुसार कृति क्यापिटल एण्ड इन्भेष्टमेण्ट लिमिटेड सोल्टीमोडबाट पनि आवेदन दिन सकिने छ । कृति बाहेकका सबै स्थानबाट नगद तथा चेकबाट आवेदन दिन सकिने भए पनि कृति क्यापिटलबाट आवेदन दिनेले अनिवार्य रुपमा चेकबाट रकम बुझाउनु पर्ने छ ।

निष्काशनको म्याद छिटोमा मंसिर २१ गते र ढिलोमा पुस २ गतेसम्म रहेको छ ।

अहिले इन्सायरेन्समा सर्वसाधारणको २० प्रतिशत र संस्थापकको ८० प्रतिशत हिस्सा रहेको छ । एफपीओ जारी भएर सर्वसाधारणको हिस्सा ३० प्रतिशत र संस्थाकको ७० प्रतिशत भए पछि कम्पनीले साधारण सभा मार्फत १९ प्रतिशत संस्थापक शेयरलाई साधारण शेयरमा रुपान्तरण गरि संस्थापकको ५१ र सर्वसाधारणको ४९ प्रतिशत हिस्सा बनाउन सक्छ ।

३५ करोड ७६ लाख रुपैंया चुक्ता पूँजी रहेको इन्स्योरेन्सको एफपिओ जारी भए पछि चुक्ता पुँजी ४० करोड ८७ लाख रुपैयाँ पुग्नेछ । बाँकी रकम भने कम्पनीको जगेडा कोषमा जम्मा हुनेछ । अहिले उसको जगेडा कोषमा १३ करोड ५५ लाख तथा बीमा कोषमा ३२ करोड ४ लाख रुपैयाँ सञ्चित रहेको छ ।

इन्स्योरेन्सको वार्षिक प्रतिशेयर आम्दानी ६९ रुपैंया रहेको छ । एक महिना अघिसम्म ९ सय ५ रुपैंया प्रति कित्ताका दरले कारोबार भएको इन्स्योरेन्सको शेयर अहिले ७ सय ९० रुपैंयाको हाराहारीमा भैरहेको छ । १ सय ८० दिनको औसत शेयर मुल्य भने ८ सय २२ रुपैंया ४२ पैसा रहेको छ ।

शिखर ईन्स्योरेन्सले किन राख्यो एफपीओको महंगो मूल्य ?

भुकम्पले झस्काएपछि निर्जिबन बीमा कम्पनीहरुलाई झन् फाईदा, शिखर र लुम्बिनी जनरलको नाफा बढ्यो

इन्भेष्टमेण्ट बैंक र शिखर इन्स्यारेन्सको १० प्रतिशत एफपीओ आउने

यती डेभलपमेन्ट बैंकबाट कर्जा लिने ग्राहकहरुलाई निशुल्कः बिमा सुबिधा

निरन्तर शिखर चढ्दै शिखर इन्स्योरेन्स,के यो निर्जीवनमा नम्बर एक नै हो त ?

किन आकर्षित बन्दैछ शिखर इन्स्योरेन्स ? प्रतिशेयर आम्दानी मात्रै ६९ रुपैंया

शिखर ईन्स्योरेन्सले सर्वसाधारणको हिस्सा बढाउन प्रिमियममा शेयर निश्काशन गर्ने

..................................................................................................................................................................

तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।