प्राधिकरणद्धारा बीमा दाबी भुक्तानी मार्गदर्शन जारी, बीमा कम्पनीहरुले नयाँ विभाग गठन गर्नु पर्ने, संचालन खर्च बढ्ने

Jun 30, 2024 05:47 PM Merolagani



नेपाल बीमा प्राधिकरणले बीमा दाबी भुक्तानी मार्गदर्शन, २०८१ जारी गरेको छ । यो मार्गदर्शनसँगै बीमा कम्पनीहरुको लागि संचालन खर्च बढ्ने भएको छ । 

बीमा ऐन २०७९ को दफा ५ को खण्ड (घ) तथा दफा १६६ बमोजिमको अधिकार प्रयोग गरेर यो मार्गदर्शन जारी गरेको प्राधिकरणले हरेक बीमा कम्पनीहरुलाई ‘बीमा दाबी विभाग’ र संचालक समितिबाट दाबी भुक्तानी उपसमिति गठन गर्न आदेश दिएको छ । त्यसका लागि बीमा कम्पनीहरुले विभागमा विभागीय प्रमुख सहित आवश्यक सङख्यामा कर्मचारी नियुक्त गनुपर्ने हुन्छ । त्यसो गर्दा हरेक बीमा कम्पनीहरुले कम्तिमा ५ देखि १० जनासम्म नयाँ कर्मचारी थप गर्नु पर्ने र त्यसबाट कम्पनीहरुको मासिक संचालन खर्च लाखौं रुपैँयाले बढ्ने निश्चित छ ।

प्राधिकरणले निर्जीवन बीमा दाबीका लागि जाँचबुझको व्यवस्था समेत गरिएको छ । बीमा दाबीका लागि बीमितले आवश्यक कागजात सहित निवेदन दर्ता गरेको सात दिनभित्र बीमकले आवश्यक जाँचबुझ गरी दाबी भुक्तानी दिनुपर्ने व्यवस्था समेत गरिएको छ ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।