गत साता ५ कारोबार दिनका लागि बजार खुलेको थियो। जसमध्ये २ करोबार दिन नेप्से सामान्य अंक बढेको थियो भने ३ कारोबार दिन नेप्से घटेर बन्द भएको थियो।
टेवा क्षेत्रभन्दा तल
गत साता नेप्से घटेर सो साताको टेवा क्षेत्रभन्दा तल बन्द भएको छ। त्यसैले सो क्षेत्र अहिले प्रतिरोध क्षेत्र बनेको छ। हाल नेप्सेको प्रतिरोध क्षेत्र २७६० देखि २८०० सम्म रहेको छ। आगामी दिनमा नेप्सेले सो क्षेत्रमा प्रतिरोधको सामना गरेर ओरालो लागेमा २६९० देखि २७२० को क्षेत्रमा टेवा पाउने देखिन्छ।
बिक्रीकर्ता हाबी
साप्ताहिक रुपमा नेप्सेले गत साता बियरिश मैनबत्ती बनाएको छ। त्यस्तै, साताको अन्तिम दुई कारोबार दिन पनि नेप्सेले रातो मैनबत्ती बनाएको छ। यसले सो साता र सो दिनहरुमा बजारमा बिक्रीकर्ता हाबी रहेको संकेत गर्दछ।
कमजोर भोल्यूम
गत साता नेप्सेसँगै भोल्यूम पनि कमजोर रहेको छ। गत साता नेप्सेमा दैनिक औषतमा ५ अर्ब ९५ करोडको शेयर कारोबार भएको थियो। साताको अन्तिम कारोबार दिन नेप्सेको २० दिने औषत भोल्यूम ११ अर्ब २६ करोड रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ४७.१५ प्रतिशत कम हो।
बियरिश प्रवृत्ति
गत साता नेप्से परिसूचक बियरिश प्रवृत्तिमा रहेको छ। गत साता नेप्सेको एमएसिडी रेखा, सिग्नल रेखाभन्दा तल रहेको छ भने यी दुबै रेखाहरु बीचको दूरी फराकिलो बन्दै गइरहेको छ। त्यस्तै, नेप्सेको हिस्टोग्राम नकारात्मक क्षेत्रमा रहेको छ।
बिक्री चाप बढी
गत साता नेप्सेको स्टकास्टिक आरएसआई न्यूट्रल जोनबाट ओभरसोल्य जोनमा झरेको छ। यसले गत साता बजारमा खरिदचापको तुलनामा बिक्रीचाप बढी रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
