प्रतिरोध परीक्षणमा
साताको अन्तिम कारोबार दिन कम्पनीको शेयरमूल्य प्रतिरोध परीक्षणमा रहेको छ। हाल कम्पनीको प्रतिरोध क्षेत्र १४५० देखि १५०० सम्म रहेको छ। गत साता पनि कम्पनीको शेयरमूल्यले सो क्षेत्र परीक्षण गरेको थियो। आगामी साता कम्पनीको शेयरमूल्य सो क्षेत्रमा प्रतिरोधको सामना गरी ओरालो लागेमा ११६७ देखि १२२५ को क्षेत्रमा टेवा पाउने देखिन्छ।
खरिदकर्ता बलियो
साप्ताहिक रुपमा यस साता कम्पनीको शेयरमूल्यले लामो टुप्पी भएको हरियो मैनबत्ती बनाएको छ। यसले सो साता कम्पनीकाे शेयरमा खरिदकर्ता बलियो रहेको संकेत गर्दछ। यद्यपि, साताको अन्तिम कारोबार दिन भने कम्पनीको शेयरमूल्यले रातो मैनबत्ती बनाएको छ। जसले सो दिन कम्पनीको शेयरमा बिक्रीकर्ता हाबी रहेको संकेत गर्दछ।
बलियो भोल्यूम
यस साता कम्पनीको भोल्यूम बलियो रहेको छ। यस साता कम्पनीको दैनिक औषतमा ४ लाख १८ हजार १४१ कित्ता शेयर खरिदबिक्री भएको छ। कम्पनीको २० दिने औषत भोल्यूम २ लाख ३८ हजार ७१६ कित्ता रहेको छ। २० दिने औषत भोल्यूमको तुलनामा साताको दैनिक औषत भोल्यूम ७५.१६ प्रतिशत बढी हो।
बुलिश क्रशओभर
यस साता कम्पनीको शेयरमूल्यले बुलिश क्रशओभर बनाएको छ। कम्पनीको एमएसिडी रेखाले सिग्नल रेखालाई तलबाट काटेर माथि लागेसँगै यस्तो क्रशओभर बनेको हो। यसले आगामी दिनमा कम्पनीको शेयरमूल्य बढ्ने संकेत गर्दछ।
खरिदबिक्री चाप सन्तुलनमा
यस साताको अन्तिम कारोबार दिन कम्पनीको स्टकास्टिक आरएसआई न्यूट्रल जोनमा रहेको छ। यसले कम्पनीको शेयरमा खरिदबिक्री चाप सन्तुलनामा रहेको संकेत गर्दछ।
वित्तीय विश्लेषण
गत आर्थिक वर्षको अन्त्यसम्ममा कम्पनीले ९५ करोड ३२ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधि (अपरिष्कृत वित्तीय विवरण) को तुलनामा १७०.०१ प्रतिशत बढी हो। अघिल्लो आर्थिक वर्षको अपरिष्कृत वित्तीय विवरण अनुसार सो अवधिसम्ममा कम्पनीले ३५ करोड ३० लाख रुपैयाँ खुद नाफा कमाएको थियो।
बिक्री आम्दानी बढेसँगै कम्पनीको खुद नाफा बढ्न पुगेको हो।
समीक्षा अवधिमा कम्पनीको बिक्री आम्दानी ७३.३० प्रतिशत बढेर ७ अर्ब २० करोड रुपैयाँ पुगेको छ। त्यसैगरी, कम्पनीको कुल नाफा समीक्षा अवधिमा ७६.०७ प्रतिशत बढेको छ भने सञ्चालन मुनाफा १७०.३० प्रतिशत बढेको छ।
३ अर्ब ७ करोड रुपैयाँ चुक्ता पूँजी रहेको यस कम्पनीको अन्य इक्विटी १ अर्ब १० करोड रुपैयाँ रहेको छ।
नाफासँगै कम्पनीको प्रतिशेयर आम्दानी पनि उल्लेख्य बढेको छ। समीक्षा अवधिमा कम्पनीको यस्तो आम्दानी १७ रुपैयाँ ८० पैसा बढेर ३१ रुपैयाँ २ पैसा पुगेको छ। गत असार मसान्तसम्ममा कम्पनीको प्रतिशेयर नेटवर्थ १३५ रुपैयाँ ८४ पैसा रहेको छ। यस साताको अन्तिम मूल्यका आधारमा कम्पनीको मूल्य आम्दानी अनुपात ४५.७५ गुणा रहेको छ भने प्राइस टु बुक भ्यालु १०.४५ गुणा रहेको छ।
आधारभुत विश्लेषण
नेपाल स्टक एक्सचेञ्ज (नेप्से) मा हाल कम्पनीको ३ करोड ७ लाख ३४ हजार १८.१२ कित्ता शेयर सूचीकृत छ। यस साताको अन्तिम कारोबार दिन अर्थात बिहीबार कम्पनीको अन्तिम शेयरमूल्य प्रतिकित्ता १ हजार ४१९ रुपैयाँ ३० पैसा कायम भएको थियो। यस अनुसार कम्पनीको कुल बजार पूँजीकरण ४३ अर्ब ६२ करोड ७ लाख ९१ हजार ९१७ रुपैयाँ ७२ पैसा रहेको छ।
कम्पनीको पछिल्लो १८० दिने औषत मूल्य १ हजार २५१ रुपैयाँ २ पैसा रहेको छ। त्यसैगरी, कम्पनीको पछिल्लो ५२ हप्ताको उच्च मूल्य १ हजार ५५६ रुपैयाँ १० पैसा रहेको छ भने न्यून मूल्य १ हजार १३६ रुपैयाँ रहेको छ।
ब्रोकर नम्बर ३४ बाट सर्वाधिक खरिदबिक्री
यस साताको फ्लोरसिट विश्लेषण गर्दा ब्रोकर नम्बर ३४ ले कम्पनीको सबैभन्दा बढी ५ लाख ६४ हजार ३५० कित्ता शेयर खरिद गरेको छ। कम्पनीको शेयर सर्वाधिक बिक्री गर्ने ब्रोकर पनि ३४ नै रहेको छ। सो ब्रोकरले यस साता कम्पनीको ९ लाख ३१ हजार ७४६ कित्ता शेयर बिक्री गरेको छ। त्यस्तै, यस साता ब्रोकर नम्बर ९४ ले कम्पनीको १ लाखभन्दा बढी शेयर खरिद गरेको छ भने ५८ ले १ लाख ११ जार कित्ता शेयर बिक्री गरेको छ।
न्यूट्रल जोनमा
साताको अन्तिम कारोबार दिन फियर एण्ड ग्रीड मिटरमा कम्पनी न्यूट्रल जोनमा रहेको छ।
(प्राविधिक विश्लेषणमा प्रयोग गरिएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग गरिएका चित्रहरु मेरोलगानी डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्दा आफैले थप अध्ययन तथा विश्लेषण गर्नु आवश्यक छ।)
