नेपाल प्रहरीले दिएको जानकारी अनुसार, हालसम्म ६ वटा मूख्य राजमार्ग अवरुद्ध भएका हुन् । शनिबार दिउँसो १ बजेसम्म काठमाडौं उपत्यका भित्रिने बिपी राजमार्ग, पृथ्वी राजमार्ग, अरनिको राजमार्ग, कोशी राजमार्ग, सिद्धिचरण लोकमार्गलगायतका मूख्य सडक राजमार्ग अवरुद्ध भएका हुन् ।
प्रहरीका अनुसार, अबिरल बर्षाको कारण काठमाण्डौ जिल्ला चन्द्रागिरि नगरपालिकावाट बिभिन्न नाका हुँदै काठमाण्डौबाट धादिङ र मकवानपुर हुदै बाहिरिने नागढुङ्गा,गोदाम, टखेल हुदै जाने सडक खण्ड अर्को आदेश नभए सम्मको लागी दुबै तर्फका सवारी साधन होल्ड गरिएको छ । त्यस्तै,बीपी र अरनिको राजमार्गमा सवारी साधन होल्ड गरिएको छ ।
त्यस्तै,रसुवा गोसाईकुण्ड गा.पा. वडा नं २ घट्टेखोला स्थित पासाङ ल्हामु सडक खण्डमा सडक माथिबाट ढुङ्गा सहित सुख्खा पहिरो आई बाटो अबरोध भएको छ ।
त्यस्तै, रसुवा गोसाईकुण्ड गा।पा। वडा नं २ बालुवाखानि, र तातोपानी स्थित पासाङ ल्हामु सडक खण्डमा सडक माथिबाट सुख्खा पहिरो सहित ढुङगा झरी बाटो पूर्ण रुपमा अवरोध भएको छ ।
संखुवासभा भोटखोला गाउँपालिका४ बरुणखोला स्थित कोशी राजमार्ग अबरुद्ध भएको छ । कोशी राजमार्गअन्तर्गत खाँदबारी किमाथांका सडक खण्ड पुर्ण रुपमा अवरोध भएको छ । अरनिको राजमार्गअन्र्तगत चारकिलोस्थित सडक भासिन गई सडक अवरुद्ध भएको प्रहरीले जनाएको छ ।
ओखलढुङ्गा मानेभञ्ज्याङ गाउँपालिका ०६ र ०७ को सिमाना स्थित सिद्धिचरण लोकमार्गमा पर्ने भँडारे खोलामा लेदो समेतको बाढी आई सडक अवरुद्ध हुँदा सिद्धिचरण लोकमार्गसमते पुर्ण रुपमा अबरुद्ध भएको हो ।
