देशभर आएको अविरल वर्षासँगैको प्रतिकूल अवस्थालाई मध्यनजर गर्दै थप दुई बिदा दिने निर्णय भएको गृह मन्त्रालयले जनाएको छ ।
सरकारले भारी वर्षाका कारण हुनसक्ने सम्भावित जोखिमलाई दृष्टिगत गर्दै काठमाडौं उपत्यका भित्रिने र बाहिरिने लामो दूरीका सवारी साधन सञ्चालनमा समेत रोक लगाएको थियो । यसले दशैं मनाउन गाउँ गएकाहरु समेत काठमाडौं फर्कन नसक्ने भएपछि सरकारले सार्वजनिक बिदा दिने निर्णय गरेको छ ।
यसअघि दशैंको बिदा सकिएर असोज १९ अर्थात भोलिबाट सरकारी कार्यालय खुल्ने भनिएको थियो ।
