कम्पनीका अनुसार, गाडी लन्च भएको केही समयमै यसले स्थानीय बजारमा आफ्नो बिक्री थाल्नेछ । लन्च हुने रेनोल्ट डस्टरले हुन्डाई क्रेटा, टाटा सिएरा, मारुती ग्रान्ड भिटारा, किया सेल्टोस र अन्यजस्ता एसयूभीहरूसँग तीव्र प्रतिस्पर्धाको सामना गर्ने अपेक्षा गरिएको छ ।
यो २०२६ रेनोल्ट डस्टरमा एकदमै नयाँ डिजाइन भाषा हुनेछ र यसको फिचर र डिजाइन डासिया डस्टरसँग धेरै हदसम्म मिल्दोजुल्दो देखिनेछ ।
यसमा १०.१ इन्चको इन्फोटेनमेन्ट प्रणाली, ६ वटा स्पिकरण भएको, यूएसबी चार्जिङ पोर्ट, वायरलेस फोन चार्जर, ६ वटा एयरब्यागलगायत अन्य धेरै सुविधाहरु समेत समावेश हुने निर्माण कम्पनीले जनाएको छ । रेनोल्टको नयाँ लोगो, स्पोर्टी बम्पर, नयाँ बहुभुज हेडल्याम्प र वाई आकारको एलइडी डिआरएलहरु समावेश भइ नयाँ डिजाइनमा ग्रिल गरिएको हुनेछ ।
नयाँ रेनोल्ट डस्टर २०२६ पेट्रोल इन्जिनमा मात्र उपलब्ध हुनेछ । कार निर्माताका अनुसार, तल्लो र उच्च भेरियन्टहरूको लागि क्रमशः १.० लिटर, ३–सिलिन्डर टर्बो पेट्रोल र १५६ बीएचपी, १.३ लिटर टर्बो पेट्रोल इन्जिनहरू प्रयोग गर्ने सम्भावना छ ।
२०२६ रेनोल्ट डस्टर गाडीको मूल्य अन्य प्रतिष्पर्धीहरू विरुद्ध आक्रामक हुने अपेक्षा गरिएको छ । यो एसयूभीको नयाँ भेरियन्टको मूल्य लगभग ११–१२ लाख भारतीय रुपैयाँ हुने सम्भावना छ ।
