साधारण सभा तथा लाभांश वितरण प्रयोजनार्थ तोकेको बुकक्लोज मितिको अघिल्लो कारोबार दिन सकिएसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।
समायोजनपश्चात कृषि विकास बैंकको शेयरमूल्य ३१८ रुपैयाँ ५५ पैसा, बरुण हाइड्रोपावरको ३३७ रुपैयाँ ८५ पैसा, सर्वोत्तम सिमेन्टको ८७० रुपैयाँ ३८ पैसा, ङादी ग्रुप पावरको ३७९ रुपैयाँ ५७ पैसा र शाइन रेसुङ्गाको ४११ रुपैयाँ ६५ पैसा कायम भएको छ।
नेप्सेले अघिल्लो कारोबार दिनको अन्तिम मूल्यका आधारमा यी कम्पनीहरुको शेयरमूल्य समायोजन गरेको हो। अघिल्लो कारोबार दिन अर्थात बिहीबार, दोस्रो बजारमा कृषि विकास बैंकको शेयर प्रतिकित्ता ३२८ रुपैयाँ ९० पैसा, बरुणको ३५३ रुपैयाँ ९० पैसा, सर्वोत्तमको ९१३ रुपैयाँ ९० पैसा, ङादीको ३९७ रुपैयाँ ६० पैसा र शाइनको ४२४ रुपैयाँमा अन्तिम कारोबार भएको थियो।
यही समायोजित मूल्यका आधारमा आगामी आइतबार दोस्रो बजारमा यी कम्पनीहरुको शेयर कारोबार खुल्नेछ।
