सिद्धार्थ बैंकलाई साढे ३ करोड कित्ता अग्राधिकार शेयर निष्काशन गर्न अनुमति

Jan 05, 2026 06:01 PM MeroLagani

नेपाल धितोपत्र बोर्डले सिद्धार्थ बैंकलाई अविमोच्य असञ्चिति अग्राधिकार शेयर निष्काशन गर्न स्वीकृति प्रदान गरेको छ । बोर्डले ८.२५ प्रतिशत प्रतिफल पाउने साढे ३ करोड कित्ता एसबीएल ८.२५ अविमोच्य असञ्चिति अग्राधिकार शेयर जारी गर्न सोमबार स्वीकृति दिएको हो ।

कम्पनीले परिपत्रि विधिबाट अग्राधिकार शेयर निष्काशन गर्नेछ भने शेयरको निष्काशन तथा बिक्री प्रबन्धकमा एनएमबी क्यापिटल लिमिटेड रहेको छ । यसअघि नबिल बैंक, कामना सेवा विकास बैंक, एनएमबी बैंक गरी तीन वटा संस्थाले यस्तो अग्राधिकार शेयर निष्काशन गर्न अनुमति पाइसकेको छ ।