कम्पनीले नेपाल धितोपत्र बोर्डलाई पठाएको पत्र अनुसार, आर्थिक वर्ष २०८१/८२ को वार्षिक साधारण सभा यसअघि पुस २२ गतेका लागि तय गरिएको थियो। तर, सो दिन कम्पनी ऐन २०६३ तथा कम्पनीको नियमावली बमोजिम सभा सञ्चालन गर्न आवश्यक सदस्यहरूको उपस्थिति (गणपूरक सङ्ख्या) नपुगेपछि सभा अघि बढ्न सकेन।
सभा स्थगित भए लगत्तै पुस २२ गते मङ्गलवार दिउँसो ४:०० बजे बसेको सञ्चालक समितिको बैठकले स्थगित साधारण सभा पुनः बोलाउने निर्णय गरेको हो। बैठकको निर्णय अनुसार अब कम्पनीको वार्षिक साधारण सभा पुस ३० गते बुधवार बिहान ८ बजे सञ्चालन हुनेछ।
