कम्पनीले नेपाल धितोपत्र बोर्डलाई पठाएको औपचारिक पत्र अनुसार, आर्थिक वर्ष २०७९/८०, २०८०/८१ र २०८१/८२ को वार्षिक साधारण सभा २०८२ आश्विन २३ गतेका लागि बोलाइएको थियो । तर, कम्पनी ऐन २०६३ तथा कम्पनीको नियमावलीमा तोकिए बमोजिमको गणपूरक सङ्ख्या नपुगेका कारण उक्त सभा स्थगित भएको थियो ।
स्थगित सभा सञ्चालन गर्न कम्पनीको सञ्चालक समितिको बैठक २०८२ पुस २२ गते मङ्गलवार दिउँसो ३:३० बजे बसेको थियो । उक्त बैठकको निर्णय बमोजिम अब वार्षिक साधारण सभा २०८२ पुस ३० गते बुधवार बिहान ११:३० बजे आयोजना गरिने भएको छ ।
तीन वटा आर्थिक वर्षको साधारण सभा एकै पटक गर्न लागेको कम्पनीले गणपूरक सङ्ख्या नपुगेर स्थगित भएपछि पुनः समय तय गरेको जानकारी गराएको हो । सभाका अन्य एजेन्डा र स्थानका बारेमा भने सूचनामा थप खुलाइएको छैन ।
