यस दिन सुन प्रतितोला ९ हजार २०० रुपैयाँ र चाँदीको मूल्य तोलामा २७० रुपैयाँले बढेर नयाँ रेकर्ड बनाएको हो ।
नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला ३ लाख एक हजार ४०० रुपैयाँ कायम भएको छ । गत माघ ६ गते कायम सुनको मूल्यलाई ब्रेक गर्दै नयाँ उचाई बनाएको हो । बिहीबारको बजारमा सुनको मूल्य प्रतितोला २ लाख ९२ हजार २०० रुपैयाँमा कारोबार भएको थियो ।
यस दिन चाँदीको मूल्य तोलामा २७० रुपैयाँ बढेर रेकर्ड ब्रेक गरेको छ । आजको बजारमा चाँदी प्रतितोला ६ हजार १९० रुपैयाँमा खरिद बिक्री भइरहेको छ । गत माघ ६ गते कायम ५ हजार ८८० रुपैयाँको उचाईलाई ब्रेक गर्दै चाँदीको मूल्यले पनि एतिहासिक उचाई बनाएको छ । बिहीबारको बजारमा चाँदी प्रतितोला ५ हजार ८७० रुपैयाँमा खरिदबिक्री भएको थियो ।
