चालु आर्थिक वर्षको पहिलो ९ महिनासम्ममा बैंकले ६ अर्ब ७६ करोड ४६ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ३३.९२ प्रतिशत बढी हो। गत आर्थिक वर्षको सोही अवधिसम्ममा बैंकले ५ अर्ब ५ करोड १४ लाख रुपैयाँ खुद नाफा कमाएको थियो।
खुद ब्याज आम्दानी सामान्य बढेपनि र इम्पेरमेन्ट चार्ज घटेका कारण बैंकको खुद नाफा बढ्न पुगेको हो।
तेस्रो त्रैमासको अन्त्यसम्ममा बैंकको प्रतिशेयर आम्दानी ३३ रुपैयाँ २ पैसा पुगेको छ, जुन गत आर्थिक वर्षको सोही अवधिसम्ममा २५ रुपैयाँ ५ पैसा थियो। त्यस्तै, बैंकको वितरणयोग्य मुनाफा २ अर्ब ८७ करोड रुपैयाँबाट बढेर ४ अर्ब ३७ करोड पुगेको छ। जसले बैंकको लाभांश क्षमतामा वृद्धि भएको संकेत गर्दछ।
५ अर्ब रुपैयाँबराबरको अविमोच्य असञ्चिति अग्राधिकार शेयर जारी गरी चुक्ता पूँजी ३२ अर्ब ५ करोड रुपैयाँ पुर्याएको यस बैंकको प्रतिशेयर नेटवर्थ २४३ रुपैयाँ ३० पैसा छ। त्यस्तै, बैंकको जगेडा कोषमा ३४ अर्ब ४० करोड रुपैयाँ सञ्चित छ।
