अमेरिकाको क्यालिफोर्नियामा शुक्रबार दायर गरिएको मुद्दामा लिपाले सामसङले आफ्नो सहमति बिना तस्बिर प्रमुखताका साथ प्रयोग गरेको आरोप लगाएकी छिन् । आफू विरुद्ध मुद्दा दायर भएपछि सामसङले उक्त तस्बिर तेस्रो पक्षले उपलब्ध गराएको र सामग्री साझेदारबाट अनुमति प्राप्त भएको स्पष्ट आश्वासन पाएपछि मात्र प्रयोग गरिएको बताएको छ।
क्यालिफोर्नियाको सेन्ट्रल डिस्ट्रिक्टका लागि अमेरिकी जिल्ला अदालतमा दायर गरिएको मुद्दामा प्रतिलिपि अधिकार उल्लङ्घन, ट्रेडमार्क उल्लङ्घन र लिपाको समानता र छविको दुरुपयोगको आरोप समावेश छ । यो तस्बिर २०२४ अस्टिन सिटी लिमिट्स फेस्टिभलको प्रदर्शनको क्रममा लिइएको थियो र फोटोको प्रतिलिपि अधिकार स्वंय लिपासँग सुरक्षित रहेको बताइएको छ।
अभियोजन पत्रमा दावी गरिए अनुसार लिपाले पहिलो पटक जुन २०२५ मा सामसङ बक्समा आफ्नो उपस्थितिको बारेमा थाहा पाएकी थिइन् । उनको तस्विर अंकित विज्ञापनमा त्यो टिभी प्राप्त गर्नेछन् किनकि दुआ यसमा छ, र अर्को विज्ञापनमा यदि तपाईंलाई केहि बेच्न चाहिन्छ भने यसमा दुआ लिपाको तस्वीर राख्नुहोस्, भन्ने आसय उल्लेख गरिएको छ ।
३० वर्षीया गायिका लिपा प्यूमा, भर्साचे, र यवेस सेन्ट लरेन्ट सहित ब्रान्डहरूकी ब्राण्ड एम्बेसडर हुन् । साथै उनी उनले एप्पल, पोर्श र च्यानल जस्ता ब्रान्डहरूसँग पनि सहकार्य गरेकी छिन्, र हालसालै नेस्प्रेस्सोको लागि विश्वव्यापी राजदूत बनेकी छिन्। उनको सबैभन्दा भर्खरको एल्बम, रेडिकल अप्टिमिज्म, २०२४ मा रिलिज भएको थियो।
