बोलकबोल मार्फत बिक्री गर्न लागेको उक्त ट्रेजरी बिलमा असार १६ गते सोमबार मध्याह्न ३ बजेसम्म अनलाईन विडिङ्ग प्रणाली मार्फत बोलकबोल गर्न सकिने केन्द्रीय बैंकले जनाएको छ।
ट्रेजरी बिलको बोलकबोलमा बैंक तथा वित्तीय संस्था, संगठित संस्था तथा सर्वसाधारण नागरिक समेत सहभागी हुन सक्नेछन्। उक्त ट्रेजरी बिल २०७६ असोज १४ गते परिपक्क हुनेछ।
यसअघि राष्ट्र बैंकले असार ९ गते १२ अर्ब २८ करोड रुपैयाँ बराबरको ट्रेजरी बिल जारी गरेको थियो। २८ दिन, ९१ दिन र १८२ दिनअवधिको गरि सो रकमको ट्रेजरी बिल बिक्री गरेको हो।
सो ट्रेजरी बिलमा बिक्री गर्दा २८ दिने अवधिको ट्रेजरी बिलमा औसत ४.३२७८, ९१ दिन अवधिमा ५.१७२० र १८२ दिनअवधिको ट्रेजरी बिलमा औसत ५.५०७६ डिकाउन्ट दर कायम भएको थियो।
ट्रेजरी बिल एक वर्ष वा एक वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो। सरकारलाई आवश्यक पर्ने अल्पकालीन अवधिको स्रोत जुटाउन यो बिल बिक्री गरिन्छ।