सोमबार थपिएका संक्रमितमध्ये काठमाडौंका १७९ जना, ललितपुरका ३३ जना र भक्तपुरका २६ जना रहेको स्वास्थ्य तथा जनसंख्या मन्त्रालयले जनाएको छ । यसरी उपत्यकामा आज २३८ जना थपिएका हुन् ।
हालसम्म नेपालमा दुई लाख ५४ हजार ५१४ जनामा कोरोना संक्रमण पुष्टि भएको छ भने संक्रमण निको हुनेहरु दुई लाख ४४ हजार ७४३ जना रहेका छन् । देशमा ज्यान गुमाउनेको कुल संख्या एक हजार ७९५ पुगेको छ । त्यस्तै मुलुकमा कुल १८ लाख ७७ हजार १८१ नमुना परीक्षण भइसकेको छ ।
हाल संक्रमण सक्रिय हुनेहरु सात हजार ९७६ जना र क्वारेन्टिनमा ४२१ जना रहेका छन् ।
