पछिल्लो समय निर्माण भएका र भइरहेका भ्याक्सिनले कोरोना भाइरस विरुद्धको लडाई जित्ने सक्छ भन्ने आशासँगै एशियाली बजारमा बढोत्तरी देखिनुका साथै आपूर्ति बढ्ने आशाले तेलको मूल्य एक वर्षयताकै उच्च स्तरमा पुगेको छ ।
यसदिन जापान बाहिरको एशिया–प्यासिफिक शेयर ०.४५ प्रतिशतले बढेको छ । यता चीनको शेयरमा ०.३४ प्रतिशतको बढोत्तरी देखिएको छ, जबकि दक्षिण कोरियाको कोस्पी इन्डेक्समा ०.०४ प्रतिशतको वृद्धि देखिएको छ ।
यसैगरी यूएस स्टक फ्यूचर्स ०.१५ प्रतिशतले बढेको छ ।
भारतीय शेयर बजार नयाँ उचाईमा
बलियो घरेलु तथ्यांकका कारण भारतीय शेयर बजार बुधबार बढोत्तरीका साथ खुलेको छ । योसँगै सुरुवाती कारोबारमा सेन्सेक्सले पहिलो पटक ४९ हजार ७०० को बिन्दु पार गरेको छ । सेन्सेक्स १९० अंकले बढेर ४९ हजार ७०७.४२ बिन्दुमा पुगेर कारोबार गरिरहेको छ ।
यसैगरी निफ्टी पनि १४ हजार ६०० माथि कारोबार गरिरहेको छ । यसदिन निफ्टी ६४.१५ अंकको बढोत्तरीका साथ १४ हजार ६२७.६० बिन्दुमा कारोबार गरिरहेको छ ।
शेयर बजारमा देखिएको बढोत्तरीसँगै सूचीकृत कम्पनीहरुको कुल बजार पूँजीकरण १९८.३२ लाख करोड रुपए नाघेको छ । एजेन्सी