सोहि क्रमलाई निरन्तरता दिँदै कारोबार सुरु भएको पहिलो मिनेटमा ७४४ अंकले गिरावट भएर ५७ हजार ७१८ विन्दुमा झर्दै सबैभन्दा तल्लो स्तरमा पुगेको थियो ।
यद्यपी यो समाचार तयार पार्ने समयसम्म सेन्सेक्स ७८.१५ अंकको गिरावटका साथ ५८ हजार ३८७ विन्दुमा कारोबार हुँदैछ । टाटा स्टीलको शेयर र पावर ग्रीडको शेयरमा वृद्धि भएसँगै सो शेयर बजार पनि उकालो लागेको हो ।
यसैगरी निफ्टीका ५० शेयरमध्ये ३० कम्पनीको शेयरमा गिरावट देखिएको छ भने २० वटा कम्पनीको शेयर बढेको भारतीय संचारमाध्यमले जनाएका छन् ।
सोमबार बिएसईको सेंसेक्समा सात महिना यताकै भारी गिरावट देखिएको थियो । सेन्सेक्स एक हजार १७० अंकले घटेर ५८ हजार ४६५ विन्दुमा झरेर बन्द भएको थियो । यस्तै नेशनल स्टक एक्सचेन्जको निफ्टी ३४८ अंकले गिरावट भई १७ हजार ४१६ विन्दुमा झरेको थियो । यस्तै सूचिकृत कम्पनीहरुको बजार पूँजीकरण ७.८६ लाख करोड भारतीय रुपैयाँले घटेर २६०.९८ लाख करोड रुपैयाँमा खस्केको थियो ।
