नेपाल सुनचाँदी व्यवसायी महासंघका अनुसार आज छापावाल सुन प्रतितोला ९१ हजार ८०० रुपैयाँमा झरेको छ । यसैगरी, तेजाबी सुन प्रतितोला ९१ हजार ३०० रुपैयाँमा कारोबार भइरहेको छ ।
शुक्रबार भने सुनको भाउ वृद्धि भएको थियो । त्यस दिन सुन तोलामा एक हजार रुपैयाँले नै महंगिएर प्रतितोला ९२ हजार ८०० रुपैयाँ पुगेको थियो ।
यसैगरी, साताको पहिलो दिन चाँदीको मूल्य पनि भारी गिरावट देखिएको छ । यस दिन चाँदी तोलामा ३० रुपैयाँले ओरालो लाग्दा प्रतितोला एक हजार १७० रुपैयाँमा खरिदबिक्री हुँदैछ।
अघिल्लो साताको अन्तिम कारोबार दिन, चाँदीको मूल्य महंगिएको थियो । सो दिन चाँदी तोलामा १५ रुपैयाँले उकालो लाग्दा प्रतितोला एक हजार २०० रुपैयाँमा किनबेच भएको थियो ।
