कृषि बीमा अनुदानका लागि बजेट बढे पनि ८० प्रतिशत अनुदानमा भने आशंका

May 30, 2023 12:49 PM Merolagani

सरकारले आगमी आर्थिक वर्षको बजेट सार्वजनिक गर्दै कृषि बीमाको अनुदानमा अन्यौल सिर्जना गरेको छ । कृषि बीमामा उपलब्ध गराउदै आएको अनुदान प्रतिशतलाई हटाएर सकारले अन्यौल सिर्जना गरेको हो ।

चालु आर्थिक वर्षको बजेटले कृषि तथा पशुपन्छी बीमा कुल बीमाशुल्कमा ८० प्रतिशत अनुदान दिदै आएको छ । तर आगामी आर्थिक वर्षको बजेटमा भने सरकारले उक्त व्यवस्थालाई हटाउदै अनुदान प्रतिशत उल्लेख गरेको छैन् ।

सरकारले आगामी आर्थिक वर्ष २ लाख भन्दा बढी किसानको बाली तथा पशुधन बीमाको प्रिमियम उपलब्ध गराउन ९५ करोड रुपैयाँ विनियोजन गरेको छ । यो चालु आर्थिक वर्षको तुलनामा १९ करोड रुपैयाँले बढी हो । चालु आर्थिक वर्षमा सरकारले ७६ करोड रुपैयाँ कृषि बीमा अनुदानको लागि विनियोज गरेको थियो ।

कृषि बीमामा अर्कषण बढी रहेको अवस्थामा हालको बजेटले ८० प्रतिशत अुनदान प्रदान गर्न नसकिने बीमा प्राधिकरणले जनाएको छ । कृषि बीमामा अकर्षण बढ्दैछ । बजेटले २ लाख भन्दा बढीलाई मात्रै अनुदान दिने घोषणा गरेको छ । प्राधिकरणका कार्यकारी निर्देशक राजुरमण पौडेलले भने, 'यस्तो अवस्थामा ९५ करोड रुपैयाँ बजेटबाट किसानहरुलाई ८० प्रतिशत अनुदानमा उपलब्ध गराउन नसकिने देखिन्छ ।'

प्राधिकरणले कार्यविधि बनाएर कृषि बीमा अनुदान सम्बन्धीको व्यवस्थालाई थप प्रष्ट पारिने कार्यकारी निर्देशक पौडलेको भनाई छ ।

comments powered by Disqus

शेयर बजारमा 'फेक वायर', बजार सञ्चालक र नियामक दुवै बेखबर, सर्वसाधारण लगानीकर्ता जोखिममा

Jun 06, 2024 06:06 AM

सुवास निरौला

दोस्रो बजारमा दुई थरी लगानीकर्ता छन्। एक थरी वास्तविक लगानीकर्ता छन्। जसले आफूलाई शेयर किन्न र बेच्न व्यस्त राख्छन्।