सपोर्ट जोन नजिक अपि पावर, हेरौँ कम्पनी विश्लेषण

Jun 03, 2023 06:28 PM Merolagani

यस साता बढेका १३ वटै उपसमूहको परिसूचक घटेको छ। जसमध्ये हाइड्रोपावर उपसमूहको परिसूचक यस साता ४.३३ प्रतिशत घटेको छ। गत साता २४२८.५८ विन्दुमा रहेको सो उपसमूहको परिसूचक यस साता १०५.१८ अंक घटेर २३२३.४० विन्दुमा झरेको छ।

सोही उपसमूहमध्येको एक कम्पनीको हो, अपि पावर कम्पनी लिमिटेड (API)।

यस साता कम्पनीको शेयरमूल्य १२ रुपैयाँ ५० पैसा घटेको छ। गत साताको अन्तिम कारोबार दिन २४० रुपैयाँमा कारोबार भएको यस कम्पनीको शेयर, यस साता २२७ रुपैयाँ ५० पैसामा अन्तिम कारोबार भएको छ।

 

सपोर्ट जोन नजिकै

साताको अन्तिम कारोबार दिन कम्पनीको शेयरमूल्य सपोर्ट जोन नजिकै बन्द भएको छ। हालको लागि कम्पनीको सपोर्ट जोन २२० देखि २२५ सम्म रहेको छ। साताको अन्तिम दुई कारोबार दिन कम्पनीको शेयरमूल्यले सो क्षेत्रमा टेवा पाएर माथि जान प्रयास गरिरहेको संकेत गर्दछ। आगामी दिनमा कम्पनीको शेयरमूल्यले सो टेवा क्षेत्र तोडेर ओरालो लागेमा २०५ देखि २१० सम्मको क्षेत्रमा टेवा पाउने देखिन्छ। त्यसैगरी, शेयरमूल्य उकालो लागेमा २४५ देखि २५० को क्षेत्रमा प्रतिरोधको सामना गर्ने देखिन्छ।

‘पर्ख र हेर’ को अवस्था

मेरोलगानी एआई चार्ट अनुसार कम्पनीको शेयर अहिले ‘पर्ख र हेर’ अर्थात ‘होल्ड’ अवस्थामा रहेको छ। कम्पनीको शेयरमूल्य २२० रुपैयाँभन्दा तल झरेमा स्टपलस रणनीति अपनाउन सकिनेछ।

बलियो भोल्युम

यस साता कम्पनीको शेयरमूल्य घटेपनि भोल्यूम भने बढेको छ। यस साता दैनिक औषतमा ८४ हजार कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ६६ हजार रहेको छ। २० दिने औषत भोल्यूमको तुलनामा दैनिक औषत भोल्यूम २७.२७ प्रतिशत बढी हो।

बियरिश हुने सम्भावना

प्राविधिक विश्लेषणको अर्को उपकरण एमएसिडीमा कम्पनीको शेयरमूल्य बियरिश हुने सम्भावना देखिएको छ। साताको अन्तिम कारोबार दिन कम्पनीको एमएसिडी रेखा र सिग्नल रेखा बीचको दूरी घटेको छ। त्यसैगरी, कम्पनीको हिस्टोग्राम पनि घट्न थालेको छ। यस साता कम्पनीको एमएसिडी रेखाले सिग्नल रेखालाई माथिबाट काटेर तल लागेमा बियरिश क्रशओभर बन्नेछ। जसले कम्पनीको शेयरमूल्य बियरिश हुने संकेत गर्नेछ।

खरिदबिक्री चाप सन्तुलनमा

स्टकास्टिक आरएसआई अनुसार कम्पनीको शेयर अहिले न्यूट्रल जोनमा रहेको छ। यसले बजारमा कम्पनीको शेयर खरिदबिक्री चाप सन्तुलनमा रहेको संकेत गर्दछ।

वित्तीय अवस्था

चालु आर्थिक वर्षको पहिलो ९ महिनामा कम्पनीले विद्युत बिक्री मार्फत ३६ करोड ९५ लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा १५.०८ प्रतिशत कम हो। गत आर्थिक वर्षको सोही अवधिसम्ममा कम्पनीको यस्तो आम्दानी ४३ करोड ५० लाख रुपैयाँ थियो।
विद्युत बिक्री आम्दानीसँगै कम्पनीको खुद नाफा पनि घटेको छ।

चालु आर्थिक वर्षको चैत मसान्तसम्ममा कम्पनीले ५ करोड ३ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ७१.०७ प्रतिशत कम हो। गत आर्थिक वर्षको सोही अवधिसम्ममा कम्पनीको यस्तो नाफा १७ करोड ३८ लाख रुपैयाँ थियो।

समीक्षा अवधिमा कम्पनीको कुल नाफा २१.९६ प्रतिशत घटेको छ भने अन्य आम्दानी १००.२३ प्रतिशत बढेको छ।

४ अर्ब १३ करोड ३२ लाख रुपैयाँ चुक्ता पूँजी रहेको यस कम्पनीको जगेडा कोषमा ४ करोड ९७ लाख रुपैयाँ सञ्चित छ।

नाफासँगै कम्पनीको प्रतिशेयर आम्दानी पनि सामान्य घटेको छ। समीक्षा अवधिमा कम्पनीको यस्तो आम्दानी ६ रुपैयाँ ७८ पैसा घटेर १ रुपैयाँ ६२ पैसामा झरेको छ। चैत मसान्तसम्ममा कम्पनीको प्रतिशेयर नेटवर्थ १०१ रुपैयाँ २० पैसा रहेको छ। साताको अन्तिम कारोबार दिनको अन्तिम मूल्यका आधारमा कम्पनीको मूल्य आम्दानी अनुपात १४०.४३ गुणा रहेको छ भने प्राइस टु बुकभ्यालु रेशियो २.२५ गुणा रहेको छ। कम्पनीको आरओई १.६ प्रतिशत रहेको छ।

आधारभूत अवस्था

हाल नेप्सेमा कम्पनीको ४ करोड १३ लाख ३२ हजार ८४२.१२ कित्ता शेयर सूचीकृत छ। गत बिहीबार कम्पनीको शेयर प्रतिकित्ता २२७ रुपैयाँ ५० पैसामा अन्तिम कारोबार भएको थियो। यस अनुसार कम्पनीको कुल बजार पूँजीकरण ९ अर्ब ४० करोड ३२ लाख २१ हजार ५८२ रुपैयाँ ३० पैसा रहेको छ।

कम्पनीको पछिल्लो ५२ हप्ताको उच्च मूल्य ३१५ रुपैयाँ रहेको छ भने न्यून मूल्य २०० रुपैयाँ रहेको छ। कम्पनीको १८० दिने औषत मूल्य २५० रुपैयाँ ३२ पैसा रहेको छ।

कम्पनीले हालसम्म ८.५ मेगावाटको नौगढ गढ सानो जलविद्युत आयोजना, ८ मेगावाटको अप्पर नौगढ गढ जलविद्युत आयेजना, ४ मेगावाटको गन्द्रनिगाहपुर सोलार आयोजना, १ मेगावाटको ढल्केबर सोलार आयोजना र १ मेगावाटको सिमरा सोलार आयोजना सञ्चालन गरिरहेको छ। कम्पनीले अहिले ४० मेगावाटको अप्पर चमेलीया जलविद्युत आयोजना निर्माण गरिरहेको छ।

ब्रोकर ४१ बाट सर्वाधिक खरिद

यस साता ब्रोकर नम्बर ४१ ले कम्पनीको सबैभन्दा बढी शेयर खरिद गरेको छ भने सर्वाधिक बिक्री गर्नेमा ब्रोकर नम्बर ४५ रहेको छ। ४१ ले यस साता २१ हजार ४४ कित्ता शेयर खरिद गरेको छ। त्यस्तै, ब्रोकर नम्बर ४८ ले १९ हजार ८३९ कित्ता र ५८ ले १७ हजार १९४ कित्ता शेयर खरिद गरेको छ। ब्रोकर नम्बर ४५ ले भने यस साता कम्पनीको ३१ हजार ३२६ कित्ता शेयर बिक्री गरेको छ।

मूल्य घट्ने डर

फियर एण्ड ग्रीड मिटरमा कम्पनी अहिले फियर जोनमा रहेको छ। यसले लगानीकर्ताहरुमाझ कम्पनीको शेयरमूल्य घट्छ भन्ने डर रहेको संकेत गर्दछ।

(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)

(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)

comments powered by Disqus

मोदी सरकारको नयाँ रेकर्ड, ८ हजार करोड सम्पत्तिका मालिक पेम्मासानी मन्त्री बने, दक्षिण एशियाकै सबैभन्दा धनी मन्त्री

Jun 09, 2024 10:18 PM

भारतमा मोदी सरकारको तेस्रो कार्यकाल शुरु भएको छ । आइतबार राती प्रधानमन्त्री नरेन्द्र मोदीसहित ७२ मन्त्रीहरुले सपथ लिएका छन् । सन् २०१४ र २०१९ मा एकल वहुमत ल्याएको भातिय जनता पार्टीले यसपटक वहुमत गुमाएको छ तर एनडिए गठवन्धनको आधारमा भाजपाले आधा दर्जन सहयोगी दलहरुसँग मिलेर सरकार गठन गरेको हो ।