टिंगाे ग्रुप अफ्रिका, दक्षिण -पूर्वी एशिया र मध्य पूर्वमा सञ्चालित छ। यस कम्पनीले मुख्यतया नाइजेरियामा खेती र खाद्य प्रशोधन व्यवसायमा केन्द्रित मोबाइल प्रविधि र भुक्तानी व्यवसाय सञ्चालन गर्दछ। अर्बपति मोम्बोसी नियमित रूपमा संचारमाध्यमहरूमा देखा परिरहेका हुन्छन्। यस वर्षकाे सुरूवातमा फुटबल टोली शेफिल्ड युनाइटेड खरिद गर्ने प्रयास गरेपछि उनले हेडलाइनहरू पनि तताएका थिए।
के लेखियाे हिडनबर्गकाे रिपाेर्टमा ?
हिडनबर्ग कम्पनीको खातामा 'रेड फ्ल्याग' भेटिएकाे छ। यसको वित्तीय विवरणहरूमा धेरै त्रुटिहरू र टाइपहरू छन्। हिडनबर्गका अनुसार मोम्बोसीले नाइजेरियाको पहिलो मोबाइल भुक्तानी एप विकास गरेको दाबी गरेको छ। यद्यपि हिडनबर्गले एपको वास्तविक क्रिएटरलाई सम्पर्क गर्दा एप सिर्जना गरेको मोम्बोसीको दाबीलाई उनले पूर्ण रूपमा गलत भनेका छन्।
प्रतिवेदनका अनुसार आफ्नो मोबाइल ह्याण्डसेट लीजिङ, कल र डाटा व्यवसायबाट गत वर्ष १२८ मिलियन डलर राजस्व आर्जन गरेको कम्पनीले दाबी गरेको छ । यी सेवाहरू नाइजेरियामा एयरटेलसँगको सम्झौता मार्फत प्रदान गरिन्छ। कम्पनीले दाबी गरेको इजाजतपत्रको प्रकार जुन २०२३ सम्म दर्ता नभएको हिडनबर्गले बताएकाे छ।
हिडनबर्ग प्रतिवेदनले टिङ्गोको वित्तीय र व्यापार सञ्चालनको बारेमा प्रश्न उठाएकाे छ। कम्पनीको खाद्य युनिट टिङ्गो फुड्सले आफ्नै खाद्यान्न प्रशोधन सुविधा नभए पनि ठूलो आम्दानी गरेको दाबी गरेको छ । प्रस्तावित खाद्यान्न प्रशोधन युनिटको साइटमा बिलबोर्ड बाहेक प्रगतिको अन्य कुनै संकेत नदेखिएको प्रतिवेदनमा उल्लेख छ ।
टिङ्गो ग्रुपको शेयर झण्डै ५० प्रतिशतले घट्यो
हिडनवर्गकाे रिपोर्ट प्रकाशित भएपछि टिङ्गोकाे शेयर मंगलबार २.५५ डलरबाट घटेर १.३२ डलरमा झर्याे । अर्थात् यसको शेयर एकै दिन ४८.२४ प्रतिशतले घटेको छ । रिपोर्ट आएपछि टिङ्गो ग्रुपको मार्केट क्याप ४०० मिलियन डलर अर्थात् करिब ३ हजार ३ सय करोड रुपैयाँमा झरेको छ ।
टिङ्गो समूहले भन्याे उक्त प्रतिवेदनलाई भ्रामक
टिङ्गो समूहले हिडनबर्गको दावीलाई खण्डन गर्दै रिपोर्टमा धेरै तथ्यात्मक रूपमा गलत र भ्रामक कथनहरू भएकाे बताएकाे छ । विश्वभरका विभिन्न बजारमा टिङ्गो ग्रुपले गरिरहेको सकारात्मक कामलाई कमजोर पार्न यो एउटा जानीजानी प्रयास भएको देखिएकाे कम्पनीकाे भनाइ छ ।
हिडनबर्ग अनुसन्धानकाे प्रतिवेदनले आफ्नै विचार प्रस्तुत गर्ने र यो सर्ट सेलिङबाट नाफा उठाउनका लागि डिजाइन गरिएको टिङ्गाेकाे भनाइ छ । हिडनबर्गकाे अनुसन्धानले आफ्नो आरोप प्रमाणित गर्न कम्पनीसम्म पुग्ने प्रयास नगरेकाे भन्दै कम्पनीले पुष्टि गर्न सक्ने समेत दावी गरेकाे छ ।
हिडनवर्गको वर्षकै चौथो टार्गेट बन्याे टिङ्गाे
अमेरिकामा रहेकाे सर्ट सेलर टिङ्गाे यो वर्ष हिडनबर्गको चौथो टार्गेट हो। हिडनबर्गले पहिले अदाणी समूह, ज्याक डोर्सीको ब्लक इंक र कार्ल इकनको प्रमुख फर्म इकान इन्टरप्राइजेजलाई लक्षित गरेर रिपाेर्ट सार्वजनिक गरेकाे छ। नाथन एन्डरसनले हिडनवर्ग सञ्चालन गर्ने गरेका छन् ।
एजेन्सी ।