पहिलेदेखि नै घटिरहेको टेडपिक्स राष्ट्रपतिको मृत्युपछि आइतबार २.६८ प्रतिशत घटेको थियो। सो दिन टेडपिक्स ५८ हजार ५८ अंक घटेर २१ लाख ६ हजार ४३९ विन्दुमा झरेको थियो। सो दिनको गिरावट अघिल्लो साताभरीको गिरावटभन्दा बढी हो। अघिल्लो साता टेडपिक्स २.५२ प्रतिशत घटेको थियो।
इरानको शेयर बजार पहिलेदेखि नै घट्दो क्रममा रहेको थियो। र अहिले धेरै उथलपुथल देखिएको छ। पछिल्लो १ महिनामा त्यहाँको शेयर बजार ७ प्रतिशत घटेको छ। तेहेरान टाइम्सका अनुसार गत शनिबार पनि त्यहाँको बजारमा ठूलो गिरावट देखिएको थियो। सो दिन टेडपिक्स १० हजार ८०० अंक घटेको थियो। तर, राष्ट्रपतिको मृत्युपछि शेयर बजार घट्ने क्रममा तिव्रता देखिएको छ।
