नुनको मूल्य बढेपछि साल्ट ट्रेडिङको शेयर मूल्यमा उछाल

Jul 03, 2024 06:25 PM Merolagani

नुनको मूल्य बढेपछि साल्ट ट्रेडिङको शेयरमूल्यमा उछाल आएको छ। साल्ट ट्रेडिङ कर्पोरेसन लिमिटेडले मंगलबार राति १२ बजेदेखि लागू हुने गरी नुनको मूल्य बढाएको थियो।

कर्पोरेशनले आयो नुन १ किलो प्याकेटको २३ रुपैयाँबाट बढाएर अब २६ रुपैयाँ, न्यू शक्ति नुन १ किलोको १७ रुपैयाँबाट बढाएर २० रुपैयाँ र भानू नुन १ किलोको मूल्य ९ रुपैयाँ कायम गरेका थियो।

कर्पोरेशनले नुनको मूल्य बढाएपछि त्यसको असर बुधबार उसको शेयरमूल्यमा देखिएको छ। बुधबार सुरुवातमै कर्पोरेशनको शेयरमूल्य १० प्रतिशतले बढेको थियो। अन्तिममा भने ६.३२ प्रतिशत अर्थात प्रतिकित्ता २९७ रुपैयाँले बढेर ४ हजार ९९७ रुपैयाँ पुगेको छ। साथै बुधबार उसकाे काराेबार रकम पनि ह्वातै बढेकाे छ। 

नुनको मूल्य बढ्दा कर्पोरेशनको नाफा बढ्ने अपेक्षाले लगानीकर्ताको आकर्षण बढेको छ। जसले गर्दा बुधबार उसको शेयरमूल्य उच्च दरमा बढेको हो।

comments powered by Disqus

शेयर बजारमा केही लाख लगाएर करोड कमाउने बेला

Jul 13, 2024 12:49 PM

तिलक कोइराला

शेयर बजार अति जोखिमको क्षेत्र हो, धेरैले गुमाउँछन् भन्दाभन्दै पनि कहिलेकाँही यति सुन्दर र आशलाग्दा दृश्यहरु देखिन्छन्, जसलाई अवसरको रुपमा लिएर सुझबुझपूर्ण लगानी गर्नेले जीवनमा कहिल्यै नकमाएको धन सम्पति कमाउँछ। शेयर बजारमा यस्ता अवसरहरु विरलै आउँछन्।