हिरासतमा पूर्वगृहमन्त्री गोबिन्दराज जोशीको नक्कल गर्दै भुटानी शरणार्थी प्रकरणका अभियुक्त बेचन झा, अनुसन्धान अधिकारीहरुलाई बयान दिन अस्विकार

Jul 10, 2024 03:57 PM Merolagani

पूर्व गृहमन्त्री गोविन्द राज जोशीसँग सम्वन्धित मुद्दा सर्वाेच्च अदालतमा सुनुवाईको क्रममा छ । अख्तियार दुरुपयोग अनुसन्धान आयोगले विसं २०६२ मा जोशीले ३ करोड ९३ लाख ६९ हजार भ्रष्टाचार गरेको दावी सहित विशेष अदालतमा दायर गरेको थियो । 

त्यो मुद्दा अहिले सर्वाेच्च अदालतमा अन्तिम सुनुवाईको क्रममा छ र त्यो सकिएपछि फैसला हुनेछ ।

जोशीको बारेमा अदालतले के फैसला गर्ला, त्यो आफ्नो ठाउँमा छ । तर, अहिले भुटानी शरणार्थी प्रकरणमा पक्राउ परेका व्यवसायी बेचन झाले बयानको क्रममा जोशीकै शैली अपनाएपछि नेपाल प्रहरीको केन्द्रिय अनुसन्धान व्युरो (सिआईबी)का अधिकारीहरु समेत हैरान छन् ।

अख्तियारले पक्राउ गरेपछि पुर्वगृहमन्त्री जोशीले ‘मौन बस्न पाउनु व्यक्तिको अधिकार हो’ भन्दै वयान दिन अस्विकार गरेका थिए । उनले अख्तियारमा मात्र होइन, विशेष अदालतमा पनि बयान दिएका थिएनन् । महिनौंसम्म प्रयास गर्दा पनि बयान लिन नसकेपछि अख्तियारले प्रतिवादीको बयानबिना नै मुद्दा दायर गरेको थियो ।

अहिले झाले पनि सिआईबीमा त्यस्तै गरिरहेका छन् । प्रहरीको अनुसन्धानबाट शरणार्थीको कोटामा अमेरिका पठाउन खोज्नेहरूबाट बेचन झाले दुई करोडको चेक बुझेको खुलेको छ । प्रहरीका अनुसार झाले शरणार्थीको रुपमा अमेरिका पठाइदिने भन्दै धापासी घर भएका रामशरण केसीसँग दुई करोडको चेक लिएका थिए । तर, हस्ताक्षर नमिलेपछि सो चेक सटही भएन ।

यत्तिकुरा पत्ता लगाएको प्रहरीले झासँग त्यो लेनदेन र अरु घटनाक्रम बारे बयान लिन खोजिरहेको छ । झा पक्राउ परेको १२ दिनको अवधिमा अनुसन्धान अधिकारीहरुले दर्जनौ पटक बयान लिने प्रयास गरे पनि सफल हुन सकेका छैनन् ।

स्रोतका अनुसार आफ्ना वकिल र सन्तानहरुसंग भेट्दा निकै टाठो हुने झा अनुसन्धान अधिकारी देख्ने वित्तिकै टाउको दुख्यो, बोल्न सक्ने अवस्थामा छैन भन्दै सुत्ने गरेका छन् । दर्जनौं पटक प्रयास गर्दा पनि टाउको दुखेको बाहानामा बयान दिन अस्विकार गरेपछि उनीसँग कसरी लिने वा बयान नलिइ आफ्नो अनुसन्धानको आधारमा एकतर्फी रुपमा मुद्दा दायर गर्ने भन्ने बारेमा अनुसन्धान अधिकारीहरुबीच छलफल चलिरहेको बताइएको छ ।

 

comments powered by Disqus

शेयर बजारमा केही लाख लगाएर करोड कमाउने बेला

Jul 13, 2024 12:49 PM

तिलक कोइराला

शेयर बजार अति जोखिमको क्षेत्र हो, धेरैले गुमाउँछन् भन्दाभन्दै पनि कहिलेकाँही यति सुन्दर र आशलाग्दा दृश्यहरु देखिन्छन्, जसलाई अवसरको रुपमा लिएर सुझबुझपूर्ण लगानी गर्नेले जीवनमा कहिल्यै नकमाएको धन सम्पति कमाउँछ। शेयर बजारमा यस्ता अवसरहरु विरलै आउँछन्।