जेठमा १ खर्ब २९ अर्ब रेमिट्यान्स भित्रियो, आर्थिक वर्षको अन्तिममा झनै बढ्यो रेमिट्यान्स

Jul 10, 2024 05:03 PM Merolagani



चालु आर्थिक वर्षमा रेमिट्यान्स आउने क्रम निरन्तर बढ्दै गएको छ। जेठ महिनामा मात्रै १ खर्ब २९ अर्ब रुपैयाँ रेमिट्यान्स भित्रिएको छ।

आर्थिक वर्षको अन्तिममा रेमिट्यान्स झनै बढेदै गएको केन्द्रीय बैंकको तथ्याँकले देखाउछ। राष्ट्र बैंकका अनुसार जेठसम्ममा रेमिट्यान्स १९.३ प्रतिशतले बढेर १३ खर्ब २७ अर्ब ५१ करोड पुगेको छ । अघिल्लो वर्षको सोही अवधिमा विप्रेषण आप्रवाह २२.७ प्रतिशतले बढेको थियो ।

अमेरिकी डलरमा विप्रेषण आप्रवाह १७.३ प्रतिशतले बढेर ९ अर्ब ९८ करोड पुगेको छ । अघिल्लो वर्ष यस्तो आप्रवाह १३.० प्रतिशतले बढेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ४२२,९३६ र पुनः श्रम स्वीकृति लिनेको संख्या २६२,७०५ रहेको छ । अघिल्लो वर्षको सोही अवधिमा यस्तो संख्या क्रमशः ४५९,४१५ र २६०,२६२ रहेको थियो ।

जेठसम्ममा खुद ट्रान्सफर १७.३ प्रतिशतले बढेर १४ खर्ब ४३ अर्ब ६ करोड पुगेको छ । अघिल्लो वर्षको सोही अवधिमा यस्तो ट्रान्सफर २१.९ प्रतिशतले बढेको थियो ।




लघुवित्तको १५ प्रतिशतभन्दा बढी लाभांश दिने व्यवस्था पुनरावलोकन हुँदा यी लघुवित्तमा आउन सक्छ बहार

Jul 15, 2025 06:43 AM

नेपाल राष्ट्र बैंकले आगामी आवको लागि जारी गरेको मौद्रिक नीतिमा लघुवित्तले वार्षिक १५ प्रतिशतभन्दा बढी लाभांश वितरण गर्न नपाउने सम्बन्धी व्यवस्था पुनरावलोकन गर्ने उल्लेख गरेको छ ।