एनपिएलः लिग चरणको अन्तिम खेल आज सुदूरपश्चिम र कर्णालीबीच हुने

Dec 16, 2024 06:36 AM Merolagani

नेपाल प्रिमियर लिग (एनपिएल) को लिग चरणको अन्तिम खेल आज, पुस १ गते, सोमबार, सुदूरपश्चिम रोयाल्स र कर्णाली याक्स बीच हुँदैछ। लिगको २८ औँ खेल आज बिहान सवा ९ बजे शुरु हुनेछ।

६ खेलमा ५ खेल जितेर १० अंकसहित सुदूरपश्चिम तालिकाको शीर्ष स्थानमा रहेको छ भने ६ खेलमा ४ खेल जितेको कर्णाली याक्स प्लेअफमा जान आज खेल्दैछ। हालसम्मको अवस्थामा कर्णाली याक्स रन रेटका आधारमा प्लेअफमा पुग्ने देखिन्छ। तर आजको खेलमा पराजित भएमा रनरेटकै आधारमा कर्णाली प्लेअफमा पुग्ने कि नपुग्ने निर्णय हुनेछ।

तालिकामा ७ खेल खेलिसकेका चितवन राइनोज र काठमाडौँ गुर्खाज ८ अंक सहित क्रमशः तेस्रो र पाँचौ स्थानमा छन्। चितवनको रनरेट ०.६३४ रन छ भने काठमाडौँको माइनस ०.३२१ छ। कर्णालीले प्लेअफमा जानका लागि आज आफ्नो रनरेट बचाउन आवश्यक छ।