दशैंकाे मुखमै थोक व्यापारीले बढाए खाने तेलको मूल्य

Aug 29, 2025 03:22 PM merolagani



चाडपर्वको मुखमै व्यवसायीहरुले खाने तेलको मूल्य बढाएका छन् । खासगरी, थोक व्यापारीहरुले प्रतिलिटर तेलमा १० देखि १५ रुपैयाँ मूल्य बढाएका हुन् ।

चाडपर्व नजिकिएसँगै थोक व्यापारीहरुले खाने तेलको मूल्य १० देखि १५ रुपैयाँसम्म बढाएर पठाएको नेपाल खुद्रा व्यापार संघका पूर्वअध्यक्ष पवित्र बज्राचार्यले मेरो लगानीलाई बताए ।

‘अहिले खाने तेलको मूल्य थोकमै प्रतिलिटर १० देखि १५ रुपैयाँसम्मले बढेर आएको छ,’ उनले भने । चाडपर्वका बेला थोक व्यवसायीहरुले मूल्य बढाएर पठाउँदा त्यसको प्रत्यक्ष असर आम उपभोक्तामा पर्ने देखिएको छ ।

संघका पूर्वअध्यक्ष बज्राचार्यका अनुसार, थोक मूल्य नै बढेकाले खुद्रा पसलसम्म आइपुग्दा तेलको मूल्य अझ बढ्नेछ । अहिले सनफ्लावर तेल प्रतिलिटर २४० रुपैयाँ खुद्रा मूल्य पर्छ । तर, कतिपय व्यवसायीहरुले भने प्रतिलिटरमा २६० रुपैयाँसम्म उपभोक्तबाट असुलिरहेको उपभोक्ताको गुनासो छ ।




मेरो शेयर तथा सि–आस्बा सेवा अवरुद्ध हुने

Aug 24, 2025 05:10 PM

मेरो शेयर तथा सि–आस्बा सेवा अवरुद्ध हुने भएको छ । सिडिएस एण्ड क्लियरिङ्गको सञ्चालमा रहेको मेरो शेयर तथा सि–आस्बा सेवा प्रणालीहरुको डाटाबेस अपग्रेडेसन गर्नुपर्ने भएकाले सेवा अवरुद्ध हुने भएको हो ।