निर्जीवन बीमा कम्पनीले एक महिनामा गरे झन्डै साढे ४ अर्बको व्यापार, कुनले कति गरे बीमा शुल्क संकलन

Aug 29, 2025 06:55 PM Merolagani



साउन महिनानामा १४ ठूला निर्जीवन र ४ लघु निर्जीवन बीमा कम्पनीहरूले ४ अर्ब ३९ करोड ६७ लाख रुपैयाँ कुल बीमाशुल्क आर्जन गरेका छन्। चालु आवको साउन महिनाको कुल बीमा शुल्क संकलन अघिल्लो आवको सोही अवधिको तुलनामा १ दशमलब ९७ प्रतिशतले मात्रै बढी हो ।

नेपाल बीमा प्राधिकरणले सार्वजनिक गरेको तथ्यांकअनुसार १४ ठूला निर्जीवन बीमा कम्पनीहरूले ४ अर्ब ३१ करोड ८४ लाख रुपैयाँ र बाँकी ४ लघु निर्जीवन बीमा कम्पनीहरूले ७ करोड ८२ लाख रुपैयाँ कुल बीमाशुल्क आर्जन गर्न सफल भएका हुन्।

सबैभन्दा धेरै सगरमाथा लुम्बिनी इन्स्योरेन्सले ४५ करोड ५४ लाख रुपैयाँ कुल बीमाशुल्क संकलन गरेको छ भने दोस्रोमा सिद्धार्थ प्रिमियरले ४१ करोड ७९ लाख रुपैयाँ र तेस्रोमा शिखर इन्स्योरेन्सले ४१ करोड ५५ लाख रुपैयाँ कुल बीमाशुल्क संकलन गरेको छ।

त्यसपछि दि ओरिएन्टल इन्स्योरेन्सले ४१ करोड ३७ लाख रुपैयाँ, हिमालयन एभरेष्टले ३६ करोड ५२ लाख रुपैयाँ, एनएलजी इन्स्योरेन्सले ३४ करोड ४१ लाख रुपैयाँ, आईजीआई प्रुडेन्सियलले ३३ करोड ८१ लाख रुपैयाँ र नेको इन्स्योरेन्सले ३२ करोड १ लाख रुपैयाँ कुल बीमाशुल्क आर्जन गरेको छ।

प्रिमियम संकलन अघिल्लो आवको तुलनामा बढे पनि सगरमाथा लुम्बिनी इन्स्योरेन्स, सिद्धार्थ प्रिमियम इन्स्योरेन्स, राष्ट्रिय बीमा कम्पनी र नेपाल इन्स्योरेन्सको खुद बीमा शुल्क संकलन घटेको छ। सबैभन्दा बढी प्रिमियम संकलन बढाउनेमा दि ओरियन्टल इन्स्योरेन्स र सबैभन्दा धेरै प्रिमियम शुल्क संकलनमा गिरावट आएको कम्पनीमा भने राष्ट्रिय बीमा संस्थान परेको छ।

यता चालु आवको साउन महिनामा लघु सहित गरेर २ लाख ४३ हजार ७ सय ४१ वटा बीमा लेख बिक्री गरेका छन् जुन अघिल्लो आवको साउन महिनाको भन्दा १ दशमलब ०१ प्रतिशतले मात्रै बढी हो । लघु बीमालाई छुट्याएर हेर्दा चालु आवको साउन महिनामा ठूला निर्जीवन बीमा कम्पनीहरुको मात्रै बीमा लेखको संख्यात्मक वृद्धिमा भने २ दशमलब ६२ प्रतिशतले गिरावट आएको छ ।

चालु आवको साउन महिना युनाइटेड अजोड इन्स्योरेन्सले सबैभन्दा बढी ३३ हजार ३ सय ४२ वटा बीमा लेख बिक्री गरेको छ । गत वर्ष सोही अधिमा कम्पनीले १३ हजार ८ सय २५ वटा मात्रै बीमा लेख बिक्री गरेको थियो । सगरमाथा लुम्बिनी, सिद्धार्थ प्रिमियम, हिमालयन एभरेष्ट, शिखर इन्स्योरेन्स र नेको इन्स्योेरेन्सको साउन महिनामा २० हजार भन्दा बढीको बीमालेख बिक्री गरेका छन् । गत वर्षको साउनमा भने शिखर इन्स्योरेन्सले सबैभन्दा बढी २६ हजार १ सय ९ वटा र सबैभन्दा कम नेसनल इन्स्योरेन्सले २८ सय २१ वटा बीमालेख बिक्री गरेका थिए ।

निर्जीवन लघु बीमाकाे अवस्था कस्ताे ? 

४ वटा निर्जीवन लघु बीमा कम्पनीमध्ये चालु आवमा प्रोटेक्टिभ माइक्रो इन्स्योरेन्सले सबैभन्दा बढी २ करोड ८ लाख ८३ हजार रुपैयाँ बीमा शुल्क संकलन गरेको छ भने सबैभन्दा कम स्टार माइक्रो इन्स्योरेन्सले १ करोड ७४ लाख ८० हजार रुपैयाँ बीमा शुल्क संकलन गरेको छ । बीमा शुल्क संकलनको वृद्धि दर हेर्दा भने ट्रस्ट माइक्रो इन्स्योरेन्सको बीमा शुल्क संकलनको वृद्धि दर ६१ दशमलब १६ प्रतिशत रहेको छ ।

यता सबैभन्दा धेरै लघु बीमा लेख बिक्रीमा भने प्रोटेक्टिभ माइक्रो इन्स्योरेन्स अगाडि छ । कम्पनीले ७ हजार ९ सय ९२ वटा बीमा लेख बिक्री गरेको छ भने सबैभन्द कम बीमा लेख भने ट्रस्ट माइक्रो इन्स्योरेन्सले ६ हजार १ सय ३२ वटा बीमालेख बिक्री गरेको छ ।

 




मेरो शेयर तथा सि–आस्बा सेवा अवरुद्ध हुने

Aug 24, 2025 05:10 PM

मेरो शेयर तथा सि–आस्बा सेवा अवरुद्ध हुने भएको छ । सिडिएस एण्ड क्लियरिङ्गको सञ्चालमा रहेको मेरो शेयर तथा सि–आस्बा सेवा प्रणालीहरुको डाटाबेस अपग्रेडेसन गर्नुपर्ने भएकाले सेवा अवरुद्ध हुने भएको हो ।