सामाजिक उत्तरदायित्व अन्तर्गतकाे रकमकाे खर्चमा राष्ट्र बैककाे कडाइ,के छ नयाँ व्यवस्था ?

Aug 29, 2025 07:22 PM merolagani



नेपाल राष्ट्र बैकले बैंक तथा वित्तीय संस्थाहरुको संस्थागत सामाजिक उत्तरदायित्व (सीएसआर) अन्तर्गत गरिने खर्चलाई व्यवस्थित गर्न नयाँ दिशानिर्देश जारी गरेको छ।

बैंकहरुले आफ्नो नाफाको कम्तीमा १ प्रतिशत सीएसआर कोषमा जम्मा गर्नुपर्ने व्यवस्था पहिले नै भएपनि ब्रान्डिङ, राजनीतिक क्रियाकलाप वा नाफामूलक काममा यो रकम प्रयोग गर्न नपाइने नयाँ नियम ल्याएकाे छ।

साे रकमलाई गरीब, पिछडिएका तथा विपन्न वर्गको उत्थानका लागि प्रयाेग गर्नु पर्ने छ । केन्द्रीय बैंकले  शिक्षा, स्वास्थ्य, वातावरण, वित्तीय साक्षरता, दीगो विकास लक्ष्य तथा अन्य क्षेत्र भनेर खर्च गर्ने क्षेत्र ताेकिदिएकाे छ ।

अर्धवार्षिक अवधि सुरु हुनुअघि नै सो अर्धवार्षिकभित्र हुने सीएसआर खर्चको सूची राष्ट्र बैंकलाई बुझाउनुपर्ने व्यवस्था गरिएको छ । 

पूरा सर्कुलर हेर्नुहाेस्

 





मेरो शेयर तथा सि–आस्बा सेवा अवरुद्ध हुने

Aug 24, 2025 05:10 PM

मेरो शेयर तथा सि–आस्बा सेवा अवरुद्ध हुने भएको छ । सिडिएस एण्ड क्लियरिङ्गको सञ्चालमा रहेको मेरो शेयर तथा सि–आस्बा सेवा प्रणालीहरुको डाटाबेस अपग्रेडेसन गर्नुपर्ने भएकाले सेवा अवरुद्ध हुने भएको हो ।