नबिल इन्भेष्टमेन्टले प्रति इकाई अंकित मूल्य १० रुपैयाँका दरको २ करोड ५० लाख इकाई मध्ये प्रथम चरणमा निष्काशन गरिएको १ करोड ५० लाख इकाई गत साउन ३० गतेदेखि भदौ ३ गतेसम्म सर्वसाधारणहरुमा निष्काशन गरेको थियो।
सोमध्ये १५ प्रतिशत अर्थात ३७ लाख ५० हजार इकाई योजना व्यवस्थापकलाई सुरक्षित राखि १ करोड १२ लाख ५० हजार इकाईहरु सो अवधिभित्र प्राप्त हुन आएका आवेदनहरुको छानविन गरी योग्य आवेदकहरुलाई इकाई बाँडफाँट गरेको हो।
सो योजनाको इकाई भदौ १६ गते बिहान १०ः०० बजे नबिल इन्भेष्टमेन्ट बैंकिङ्ग लिमिटेडको कार्यालय, नक्साल काठमाडौंमा बाँडफाँट गरिएको हो। बाँडफाँट कार्यक्रममा कोष प्रवद्र्धक कम्पनी नबिल बैंक लिमिटेडको प्रतिनिधी, सिडिएस एण्ड क्लियरिङ्ग लिमिटेडको प्रतिनिधी, योजना व्यवस्थापकको प्रतिनिधी तथा प्रोफेशनल कम्प्यूटर सिस्टम प्रा.लि.को प्रतिनिधी र सर्वसाधारण लगानीकर्ताहरुको उपस्थिती रहेको थियो। बाँडफाँट सम्बन्धि नतिजा प्राप्त गर्नको लागि iporesult.cdsc.com.np बाट हेर्न सकिने व्यहोरा कम्पनीले जनाएको छ।
