महोत्तरी बर्दिबासदेखि काभ्रेपलाञ्चोकको धुलिखेलसम्म १५९ किलोमिटर लम्बाइको राजमार्ग नेपालको एक महत्वपूर्ण राष्ट्रिय राजमार्ग हो। गत वर्षको विनाशकारी बाढी र पहिरोका कारण सो राजमार्गका विभिन्न खण्डहरू गम्भीर रूपमा क्षतिग्रस्त भएका थिए । विशेषगरी रोशी नदी आसपासका केही भागहरू पूर्ण रूपमा नष्ट भएको छ ।
क्षतिग्रस्त खण्डको पुनर्निर्माण र मर्मत सम्भारका लागि जापान सरकारले नेपाल सरकारलाई २ अर्ब ८० करोड जापानी येन आर्थात करिब २ अर्ब ६० करोड नेपाली रुपैयाँ बराबरको अनुदान सहायता प्रदान गरेको छ ।
अनुदान सहायता सम्बन्धी एक्स्चेन्ज अफ नोट्समा नेपाल सरकारको तर्फबाट अर्थ सचिव घनश्याम उपाध्याय र जापानको तर्फबाट नेपालका लागि राजदूत तोरु माएदाले हस्ताक्षर गरेका हुन्।
त्यसैगरी, अनुदान सम्झौतामा नेपालको तर्फबाट अर्थ मन्त्रालयको वैदेशिक सहायता समन्वय महाशाखाका सहसचिव धनीराम शर्मा र जापानको तर्फबाट जापान अन्तर्राष्ट्रिय सहयोग एजेन्सी नेपालका प्रमुख प्रतिनिधि मित्सुजाकी मिजुकीले हस्ताक्षर गरेका छन्।
हस्ताक्षर समारोहपछि अर्थमन्त्री खनालले जापान नेपालका लागि एक विश्वसनीय र भरोसायोग्य विकास साझेदार रहेको उल्लेख गर्दै जापानले नेपालको आर्थिक सामाजिक विकास र पूर्वाधार निर्माणका क्षेत्रमा निरन्तर पु-याउँदै आएको सहयोगप्रति आभार व्यक्त गरे।
