नेपाल विद्युत् प्राधिकरणका अनुसार, यसअघि विद्युत् लाइन काटिएका २५ वटामध्ये महशुल बुझाउने उद्योगमा मात्र लाइन जोडिएको हो ।
महशुलबापतको किस्ता रकम नबुझाउने १५ वटा उद्योगमा अहिले पनि लाइन जोडिएको छैन् । प्राधिकरणका प्रवक्ता राजन ढकालले महशुलबापतको किस्ता तिर्ने १० वटा उद्योगमा पुनः लाइन जोडिएको छ ।
बाँकी १५ वटा उद्योगले महशुल नतिरेकाले लाइन काटिएकै अवस्थामा रहेको उनले बताए । उनका अनुसार, महशुलबापतको किस्ता तिर्न नआएकाले ती उद्योगमा लाइन जोडिएको छैन् ।
यसअघि प्रधानमन्त्री शुशीला कार्कीले निजी क्षेत्रका उद्योगीसँग छलफल गरेर मध्यमार्गी प्रस्तावमा सहमत भए पनि अहिलेसम्म उद्योगीले महशुलबापत बक्यौता तिरेका छैनन् । प्राधिकरणले २८ किस्तामा बक्यौता तिर्न आग्रह गरे पनि उद्योगीहरुले भने महशुलबापतको विवादित रकमको एक किस्ता बराबरको रकम धरौटीका रुपमा बुझाउन सहमत भएका थिए ।
तर, प्राधिकरणले भने किस्तालाई धरौटीका रुपमा मान्न तयार नहुँदा यो मुद्दा थप पेचिलो बन्दै गएको छ ।
